السلام عليكم ورحمة الله ..
هذه قصيدة وصلتنا من الشاعر / بنيدر بن فيصل بن عميره , يمجد فيها القبيلة , واترككم مع القصيدة :_
حـنـا عـتـيـبــة فـعـلنا يـفـتـخـر بـــه & فينا الكرم والـمرجلة والـشـــجـاعة
زبن الضعيف اللي وقـع له بكــربه & عدونا مـهـزوم في نصـف ســـــاعة
رجالنا ينـطـح من الـقـــوم ســـربة & ونـقري ضـيوف الـبيت يوم المـجاعة
ناطا الـخـطــر مـاهم بـعـده وقـربه & ونفرق صفوف الخصم بعد اجتماعه
يشهد لنا نــجــد(ن) شماله وغربه & وتشهد لناحدب السيوف القطــاعه
كم راس شيخ(ن) طاح منا بضربه & واصـبح غدا للطير هي والسـباعه
من شافنا بالعـين ماشـيـف دربــه & ومن شافنا فالنـوم يصحى بــراعه