الـله مـن ذود لـمـحـتـه مـناكــيـف
قـبل المـسا يبغى جنوب الجديده
ماشفت انا مثله ولاظن قـد شـيف
ياجـعل مـن حـطه حـياته مـديـده
معروف راع الشعل من دون تعريف
ابن الـكريم اللي وصـوفه فـريده
اقـولها ماهـي مـجـامـل وتكـلـيف
انا اشهد ان الشعل ترفع رصيده
شعل تبي ممشاً بروس الحناتيف
مـلّت من الممشى برمل الجديده
ان ربعت ولا عسى قدمها صـيف
بـديــارنـا ولا الــديـار الـبـعـيــده
لاصاح راعيها تجيله على الكيف
تفـهم نبـاه وتعـرف اللـي يـريـده
تصـف له صـفة طـيور مـوالـيف
ولا كـما صـفة جـيـوش الـفـقيـده
يصعق لها بالصوت تغدي مهاريف
ويلـحق فحـلها خـلفها يفـك قـيده
تغـدي قوايمها كما ألواح تجـديف
وتموج موجـات البحور الشديده
ماتمـسي الا وسـط ريـانة الـريف
في خايع هي وحـدها به وحـيده
يالـله تكفيها شــرور الصـواديف
وتـفكها شـر الـحـسد والمـكـيـدة
تركي العريض