البارحه ياحسين مركاي كوعي=من العشاء لين اذن الفجر ياحسين
ماغير اسلي خاطري بالدموعي=مثل الذي من يقضي الدين بالدين
كله سبب طيري حسين الطبوعي=النادر اللي شوقته تطرب العين
اللي اليا مني نهمته فزوعي=مثل الشجاع اللي نخوه القريبين
قمت اتذكر تلته للطلوعي=في خد قنص لنا من اسبوعين
مدري ثمان ايام ومعهن اسبوعي=لاشك كنهن يابن الاجواد يومين
وفي تالي المقناص يوم الربوعي=اتلا العهد به راح يلوا الجناحين
اقفى ورا خرب مصقر جزوعي=اقفوا شمال وباعدين عن العين
الخرب صامل والنداوي طموعي=حال الوعر من دونهن والشعيبين
وقفت ادربل مير مامن اسنوعي=وقالو جهاز الطير مانسمعه خير
وماقصروا وقت المنافع ربوعي=واخذت في جو العنا ياخوك يومين
لاشك طيري مانوا للرجوعي=وانا بعد حدرت يم البلادين
ماكان ودي ان المفارق فجوعي=ليته موادعني سوات المحبين
وسلامتكم:::
والله لا يهينكم ياعيال اللي يلقى القصيده كامله يضعها هنا او في اميلي
اللي تحت التوقيع وشكرا جزيلا