ينشد حكيم الجامعه ابو مهدي هذه القصيدة ولم يذكر اسمه ، لكن ذكر اكثر من ذلك عبر هذه القصيدة الرائعه :
هيه ياربعي وياصحاب القلوب اليافعه
فسرو لي ويش اميره في ملابس جاريه
جيت اعلمها الكتابه والعلوم النافعه
بس والله للأسف بنت الاصل متعاليه
والله اني منصح معها واخاف القارعه
طبع فيني ما تطبّعته وهذا ساسيه
والله اني ما طعنتش بالظهر ياسامعه
والله اني لك ذرا وحجاب وانتي داريه
ماتخل الثوب رقعه منه كانك راقعه
والله اللي قرب انساب الجدود التاليه
والله اني صافي النيه وقدري رافعه
والوطا ماجيه واكب الوجيه الهابيه
حافظ(ن) وصات ابوي وسلم جدي شافعه
اشهد اني عارف(ن) زودي وراس المالَيه
بس ماجت لي على شي الجمايل طابعه
في بحور الغطرسه وافكار غبرا باليه
يوم سمتني تقول انت مهبول الجامعه
ماتعرف اني (حكيم) العز هامه عاليه
سيفي اشطر لو بغيتيها سيوف(ن) لامعه
لاتـثور في خباها ثم تطيح الساريه
العذر لا تحسبينه اعتراف بواقعه
ان بغيت عناد طيري يالجبال الراسيه
وان سمعتي كل هرجة زور فانتي ضايعه
ول يانقال هرج الزور والبهتانيه
ما نشدتي ويش مصلوحه وش اللي دافعه
الحسد متغلغل(ن) فقلوووب كل الواشيه
عارف(ن) هذي ضريبه للقهر توابعه
والله ان طويق شامخ والثعل فالهاويه
بس مالديت له راسي ردي الرابعه
والله اني ماحسبته كون حسبة شاديه
احترق مسكين اشوفه ماكل(ن) اصابعه
علميه وعلمي غيره دروسي قاسيه
الله اللي فوق عرشه في سماه السابعه
يعرف اني مقصدي ستر الصدور العاريه
الرسايل مرسله والحب في صوامعه
والمحاكم فاتحه والعلم عند القاضيه
بتوقيع اخوكم حكيم الجامعه ( ابو مهدي ) ، انقلها لكم وتحوز انشالله على اعجابكم
-----------------------------------------------------------------
زماننا غير زمانهم وحتى نتذكر الاولين
اخوكم ابن نجد