جيت الطبيب وقال مالك علاجي=لكن عني روح مافيك حاجه
قلت أستمع في كلمتي واحتجاجي =والحر يفهم والدجاجه دجاجه
اسمع كلامي لاتعكر مزاجي=واترك علوم الفلسفه والسماجه
همي وغمي بين الأضلاع لاجي=مايبعده غير اللقا والمواجه
مع واحدن ماقط فالسوق داجي=ولاله مع أهل الادراج ادراجه
اللي لياجاني ضحك له حجاجي=وانا ليا جيته ضحكلي حجاجه
على يدينه من عذابي خراجي=وعلى يديني من عذابه خراجه
في ضيق وقتي سلوتي وبتهاجي=وانأ كذلك سلوته وبتهاجه
اعيش في عالم خياله واناجي=زول" يولع في خيالي سراجه
للظيق في ساعة لقاه انفراجي=بعد الولي ظيقي عليه انفراجه
شلفا"زناتيه ورمحا"عواجي=من سلهمة عين الدلع والغناجة
مليون فالمليون ماني بناجي=أن لد فيه ثم رفعلي حجاجه