السلام عليكم
يا هجوسي نبا عذب القصيدي . ما نبا بالشعر هرج الرديّّه=دام سوق المطايا في هوايه . وارده وارده جمٍ زلالي
غصب والاّ رضى هاذا وجيدي . والعرب تحكم الهرجه عليّه=تسمع العلم وتقرر مدايه . كان جاء مر والاّ راح حالي
سيّدي سيّدي يا سيد سيدي . عذر منّك وانا اعدّك خويّه=يوم ضيقي ترا أعز اخويايه . تفرج الهم من تدبير والي
ودّي افتح هجوسي من بعيدي . وأسدح البيت والحجّه قويّه=في رجالٍ ولاهم بالدعايه . وافيه من مناعير الرجالي
شرط عندي ورايي به سديدي . ياهنيّ اللذي به يا هنيّه=من بدابه فرح به بالنهايه . واضحه واضحه كبر الجبالي
الرجوله تبا فتل العضيدي . والرجوله تبا حل القضيّه=والقضيّه تبا حل الحكايه . والحكايه صعيبه عزتالي
مطمعي مطمعي جداً شديدي . والرجوله زياده مطمعيّه=والطمع لي رفع في مستوايه . مار محدٍ وصل قم العوالي
خوّت اهل الرجوله تستفيدي . تستفيد الرقى فوق المطيّه=والمطيّه ترا تحمل حوايه . والحوايه بسيطه للزوالي
فدوةٍ للرجوله والمزيدي . لاحصل للرجل شيٍ وشيّه=والله اني لسوق اله السرايا . يصطفق جالها ياكود جالي
نتقبل النقد بصدر وسيع