ابعدي ياضيقة الصدر عنـي واغربـي = عن محيا سمح لاضاق للمولـى سجـد
لاذكرت الله من الخوف عزّي لركِبـي = كيف اكابر والله الواحد الفـرد الصمـد
لنّي ادري تالي العمر وشهو مكسبي = ياتجـرّع مـر ولا اتـلـذذ بالشّهـد
ياهجوس الشعر غني بصوتي والعبي = بين ديرة جابر الخيـر والعاهـل فهـد
للعرب مذهب وانا فالشعر لي مذهبـي = وكل واحد شيخ روحه نزل ولاّ صعـد
دامني من بحر الاشعار عارف مشربي = سجلونـي للجزالـه وكيـل ٍمعتـمـد
ويش عاد اقول وانا محـدّد منصبـي = مابقى الا لمحة البـرق لاحـن الرّعـد
راكب اللي لستوى الخط مايدبي دبـي = منـوة السـواق فالقـار ولاّ فالجـلـد
اسمـه ال(vxr)ولاّعريـب المنسبـي = يـوم غيـره لاذكرنـاه تِكمالـة عـدد
جابه الساير يغيض الفطيمي في دبـي = كاتـب ٍفـي دفتـره كافلينـه لـلابـد
ان نطحته قلـت لبيه ياوجـه الظبـي = وان قفيته قلـت حـر ٍ يبشّـر بالهـدد
طلتـه طلـة حليمـه وريمـا مكتبـي = ماعلي امن الطبايع علي امـن الجسـد
كن صوت محركاتـه تـردّد ياصبـي = الله اللي عزنـا ويـن وابشـر بالسعـد
صانعه ماقال ضيّعت جِهـدي واتعبي = لنّه اصلاً سهم رابـح ومكسـب للبلـد
صانعه ملعون كوثر وكافـر واجنبـي = مايفكّـر فالقبـر والنصايـب واللّحـد
لو اقول انه غبي كيف يصنع ذا غبي؟؟ = مااعتقد ان الغبا من صفاتـه مااعتقـد
ان تكلّم جات الاحرف ذليلـه وتحبـي = من كلامه كن عنـده مشاكـل فالغـدد
الوكاد انه تفـوّق على كـل أعربـي = لاتعهـد لك بحاجـه تمسّـك بالعهـد
ولا حنّا والنعم بـس في كلمـة ابـي = ابي هذي وابي هذي وابي هـذي بعـد
شغلنا الشاغل لا ذعذع نسيم المغربـي = إلبس عقالك وحافظ على الغتـره هـدد
نفتخر ونقول حنـا على نهـج النبـي = ونتفاخـر بالقصايـد ولا فينـا جـهـد
الولد لامن سألتـه عريـض المنكبـي = قال انا شوق الغناديـر مَنّـور وشهـد
اعـرف mbc فيهـا رزان المغربـي = واعرف اللمبي بطولتك يامحمـد سعـد
ولا سئلت العود غنى ياكنزي وذهبـي = التجـاره عندنـا فالنعـيـم وفالنّـجـد
ويوم جات قريش تبغي تخون اليثربـي = وين راح العود ولاّ الولد وين الولد؟؟!!
الله اكبر يازمان ٍ سبـى حالـي سبـي = الوعد مدري متى ويـن لكـن الوعـد
كان عمري طال والله لحقّـق مطلبـي = وعقّب اللـي فالشدايـد يمينـه ترتعـد
والهنوف اللي تحاكت وقالت وش تبـي = قلت انا قالت نعم انت وش عندك بعـد
دون مااشعر جات يمناي من فوق اشنبي = وابتسمت وقلت ياجعـل مافيها بـرد
ان طفت نار الغلا ماطفت نار حطبـي = والدليل اني باصرح ولا عنـدي فحـد
دامني مرتاح واشوف زول امي وابـي = جعل عيـن ٍماتبينـي يطاولها الرّمـد