عديت باصفر عفيف العصر مرضانـــــــي ...=.... مرضان من هاجس بالجاش يصـلابـــه
فيه وله مع مشاعر حب واحزانـــــــــــي...=.... ومـفاق احباب والاشواق غلابــــــــه
وفيه موده وزين الخــــــــد خلانــــــــي.....=...سافر وانامنجرح والــنفس منصابـــه
ابدالطويله واجر الصوت ولهانــــــــــــي...=.... .ولهان والحال فيه النــــــار شبابــه
وقتن مضى كنت انا والزين خلانــــــــي...=... .واليوم زادت هموم الصدر واكرابــــه
من يوم روح ونار الشوق تصلانــــــــــي...=.... ودموع عيني تذارف دوم ســــكابـه
داره غدى موحشن مافيه سكانــــــــي...=... اصبح خرابه وصوت الريح بــابوابــه
استبدله بالقصور وعاش شبعانـــــــــي...=.... اشباح بالبايكه واموال بحســــابــه
القصر بستان فل وورد ريحـانــــــــــي...=..... حدايقن مثمره بالخوخ واعنابـــــــه
في حارتن راقيه شارع وعمرانـــــــي....=... سكانه مايعــــــرف الفقر ومصابــــه
ماصاح مثلي بعال الصوت منهانـــــي...=..... من غدر وقتن يكشرلي عن انيابـــه
خلي تكبر وحب اليوم له ثانــــــــــي .....=...عقب التطور ماعد انفع من احبابــــه
انا مفلس رصيدي صفر غلبـــــــــــاني.....=....اقاسي الوقت والمكتوب انا ارضابه
واسكن ببيت الشعر والشمس تنداني..=..... ..ومكيفي من حرار القيظ ملهابـــــــه
ماعرف لكازز وبنزن وارد المانــــــي....=.... سيارتي ددسني يازين مركابــــــه
اقطع فياف الخلاء وادوج وحداني.......=.... مابين خشم الجثوم وفية هضابـــــه
وزادي زهيدن وباكل الصيدقنعاني.....=.... صيدن طعامه زهور البر واعشابـــه
ماعرف برست ودجاج ورز برياني.......=.... ولاا عرف مطبق وفول جرار وقلابه
ولبسي من الخام ثوب الصين يزهاني...=... وشماغي العقل يصلح لطم وعصابه