من قصائد الشاعر مفرح الضمني
لجنة التثمين صارت لي عقوبـه
فرقت شمـل المحبـه وراعيهـا
يوم جيت وشفت الابواب مسحوبه
والدركتن كـل طوفـه يوطيهـا
قلت شيلوني ترى الرجل منهوبه
ما نريد المنطقه عقـب غاليهـا
ما اعرف وين اهل الزين ودوبـه
والمناطق تتعب اللي مشى فيهـا
ياليتنـي مهـري وابيـع النفانيـف
وادخل على الخفـرات مـا يمنعنـي
وأليا دخلت اشوف حلو التواصيـف
ارخـص لهـن فالبيـع ويعاملنـي
لأمشي واشيل الخام لو حالي اضعيف
ومن اتكلم ( خـام خـام) اسمعنـي
والله لأجيب لهن ثيابس على الكيـف
وابيعهـن برخيـص لـو خسرنـي
يلومنـي خبـلٍ دفوفـه مهـاديـف
مـا لوعنـه مثـل مـا لوعـنـي
بطنه كبير ولا جـرا لـه صواديـف
ما هيّضه صـوت الغنـاء والمغنـي
يا غزالٍ نطحني مـع طريـق الحويـه
ناثرٍ فوق جسمه من جميـع الروايـح
خشف ريم ربى باحضان نجـد العذيـه
بين خضر الرابع والغصـون السبايـح
طلـع القذلـه الشقـرا وسلـم عليـه
قال لي يا صباح الخير وين انت رايـح
قلت انا التايه الللي ما عرف وش نويه
مثل طلاب رزقه مـن يديـن شحايـح
كان تقدر تساعدنـي وتعطـف عليـه
اصطحبني معك وارعرض علي النصايح
لولا الحيا لاصيح خمسين صيحة
صيحة يتيم ضايمينـه عمامـه
ابوه من بين النصايب طريحـه
وامه توفت قبـل يبلـغ فطامـه
والاكسير طاح وابطـا مطيحـه
بالمعركة راحت شظايا عظامـه
يبغا الحياة وشاف روحه ذبيحه
تذكـر الفرقـا وزاد انحطامـه
على عشير منه روحي جريحـه
جرح على ماقيل طالت اسقامـه
يوم جيت البيـت ماشفـت رواد يـروده
مالقيت الا العصافير وأشجـار النباتـي
قلت يالجيران هالبيت من ذيـر عنـوده
علموني بالخبـر والجـواري جارياتـي
قالوا الجيران سافر ولا نعـرف وجـوده
هقوة أنه يطلب العلم بيـن الجامعاتـي
وأهله راحوا على موتر(ن) يطوي عموده
وأنتووا مصيافهـم بالديـار البارداتـي
قالوا الجيران سافر ولا نعـرف وجـوده
هقوة أنه يطلب العلم بيـن الجامعاتـي
وأهله راحوا على موتر(ن) يطوي عموده
وأنتووا مصيافهـم بالديـار البارداتـي
ياموتري شد عزمك دقـت الساعـه
خلى كذب في الوعد والـزام قافينـي
عزي لمن صاحبه عقب الغلا باعـه
زاد الجفا واشترى نـاسٍ جديدينـي
في ما مضى لي يقول السمع والطاعه
واليوم صـد وتنكـر مـا يحاكينـي
حلفت له بالمحبه واخلف اوضاعـه
حيل اللله اقوى على ما صار يا عيني
بس لا تعذبني ترى البال مشغول
ما احمل عذابك واللليالي طويلـه
حل الهوى من بيننا حل معقـول
اما تشيـل الحمـل وألا نشيلـه
هذا نصيبي عندكم ويش ابا اقول
ما عاد عندي يا اريش العين حيله
يا هين قلبٍ ما تولـع بمجمـول
مـا ولعنـه ناقضـات الجديلـه
لا سائل عنهن ولا هو بمسـؤول
ما يعرف إلا مصحفـه وتهليلـه