ابو نجر
يا كبتن مناحي هلا يا مرحبا بك يـا غـلا=عقب الغياب المنجلي .. جعلك معاد اتعودها
عطنا علومك يا مناحي بعد ما الليل انجـلا=من عقب ما جوّدت راحلتك علاها اشدودها
الكبتن مناحي
ياربعنا ياهل الوفاء (دام البقاء)تنصى(هـلا)=ابقاكم الله والرجال تجـود مـن ماجودهـا
انا ترانـي مادخلـت المنتـدى غيـر اوّلا=وابا ابحث الشعار واعرف نقصها من زودها
ابو نجر
انته كما روس الملا وانا كما روس المـلا=ديره كبيره يا فتى كل(ن) يعرف اعدودهـا
قالو لي امناحي تغيّب طول يومه ما سـلا=قلت البلا ؟؟ قالو عوار(ن) تونسه فاكبودها
الكبتن مناحي
ياربعي العتبان شوفتكـم حلا+حلا+حـلا=وانا على الميقاف وفعول الرجال شهودها
الله يسلـم ربعنـا والله يعدينـا الـبـلا=والشجره اللي دوبها ماودي اكسر عودها
ابو نجر
انته غديت وراح معك العام من بعض ازملا=واللي تعرف القافله تعرف جميع اصعودها
يالله دخيلك من رجال(ن) مع سراييل اعملا=يا جعل ربي يا مناحي يفسـد اب بارودهـا
كبتن مناحي
ياعنـك مايغـدي مناحـي والزمـان مهـولا=ياقـل ظبـاط السريـه والـبـلا فجنـودهـا
والي يجي للمعركـه ياصاحبـي شكـره عـلا=شكره على سيوف الرجال اليا اعتزت بجدودها
ابو نجر
يا طيب منزالك ليـا منّـك نزلـت المنـزلا=مانك من اللـي بالملاقـا بيّحـت بسدودهـا
يا صاحبي عان الربوع اتهاوشت وسط الخلا=وش هقوتك يم الرجال اللي تصيح اقرودهـا
الليل يالكبتن الليل