البارحه ساهر ماغمضت عيني=وشلون ابي ارقد وعيني شقاويه
اليا تذكرت بنتي فاحت سنيني=هلت دموعي على الخدين هبريه
بين الدكاتر تصوتلي وتدعيني=لبيه ياقلب ابوك اللي طفا ضيه
شالو ذهبها على زين البساتيني=والثوب الازرق للغرفه ماريه
هلت عيني من الدمع ويقولون وشفيني=هذا حبيبي وانتم تقولون وشفيه
صديت عنها وانا اللي في كافيني=في ذمتي يارهف ماهوب بيديه
خليتها عندهم واقفيت من حيني=من ضيق صدري جريت الكدينيه
العين تبكي والغربال مخاويني=ومن لامني في رهف مافيه ماويه
والله مخليك دام الله مخليني=ياشمعه الدار يانور العزيزيه
وما قدر الواحد المعبود مرضيني=رضيت في دبرتك ياعالم النيه