الجزء الخامس
واما الان سووف اورد لكم قصه نزول عتيبه الىآ اراضي نجــــد بالقصيده مما ورد لي من لهم بالتاريخ ولهم علم ودرايه ومما يقول من قولهم ان تركي بن حميد قال قصيده مخاطبا الشيخ محمد بن هادي عندما نزل بعتيبه براري قحطــأن بنجـــد قبل ان ياخذ العاني منه فغضب ابن هادي وطلب اما رجوعهم واما خفرهم والا الحرب فاختار الشيخ تركي بن حميد الطلب الاخير الا وهو الحرب حيث ان ابن هادي لم يوجب تركي في طلبه في نزول نجد وقال فيها الشيخ تركي بن حميد :
خط القلم واكتب لنا ياسليمــــــــــــان = اكتب لنا جعلك تطـــــــــب الجنـــاني
جعلك تطوف البيـــت مع كل الاركان = وتصلي الجمعه بهـــأ دور ثـــــــاني
لنا رفيــق مانبيعه بالاثمــــــــــــــــان = عبد مطــوع شاعر مطربـــــــــــــأني
قم كيف الطبخه ترىآ بان لي شــان = مشتان في شان وشان عنــــــــــــاني
بريــه من سوق صنعــــــأ ونجــران = يعبـــــــأ لها بالهيل والزعفـــــــــراني
نخسر لها لو كان تغلـــىآ بالاثمــان = لا هابهـــا خطو الصبـــــي الهــــداني
بصين يبدي فيه ذربين الايمـــــــــان = بكفوف عيـــــــــأل قروم ذهـــــــــاني
ياراكب من فوق سلسات الاقـــــران = فج العظـــــود وساسهــــــن عمـــاني
ملفاك من يروي شبا مقــــدم الـزان = عيد الركــــــــأب الي بها الخيل واني
شيخ لفا بالطيــب من روس قحطان = عاداتهم فك الحسب والعوانــــــــــــي
مطلوبكم ياشيخ به زود حقــــــــران = والذل مايرضاه عـــــــــــرب المجاني
لوان مطلوبكم ياشيخ علىمثل ماكان = خفت مداريجه علينا وهـــــــــــــاني
ادرىآ كلامي عن عــــدو وسفهــان = لزازه المجلـــــــس وجيه الحصــاني
للهـــرج ميدان وللرامــــي نيشــــأن = ومفتاح صنــــدوق الضمير اللســاني
_( وصلىآ الله علىآ نبينا محمــد وعلى اله وصحبه ومن والاه الىآ يوم يبعثـــــون )_
عزيزي القارء زائرا ام عضوا مرحبا بك معنا واهلن بك وعند اقتباس الموضوع او نقله الرجاء ذكر المصدر
بحث واعداد
عباس مشعل الشيباني
تحياتي وتقديري
الجزء السادس
يــامــا حـلا ياعـبـيـد فـي وقت الاسفار=جـــذب الـفــراش وشــبّ ضـــوّ المــنارة
مع دلــة(ن) تجــذا على واهـــج النار =ونـجـــر إلـى حــرّك تـــزايــــد عـــبــــاره
في ربعة(ن) ماهيب تحجب عن الجار =لا مـنّ خـطــو الــلاش مــا شــبّ نـــــاره
الــنـــــجـر دقّ وجــاوبــه كــل مـــرّار =مــالــفـّـــه الـمــلـفـوف مـن دون جـــاره
وأخـــيـر مـنـهـا ركعتين(ن) بالاسحار =لاطـــاب نــوم الـلــي حــيـاتــه خـســـاره
تـلــقاه في يوم(ن) يضيعن(ن) الافكار =يـوم(ن) عـلـى المخلوق ما اطول نهاره
وقـم فـي قـصـير البيت حشمه ومقدار =لــــو جــــار فــادمــح له ولو به خساره
تـرى النــبي وصّى على الجار لو جار =خـــــذ الـحـــذر يـاعـبـيـد عـقــب النذاره
رافـق قـويّ الــديـن حـفّــاظ الاســرار =يـنـفـعـــك فــي يـوم(ن) يـجـي به كراره
تـرى الـهـوى والغيّ هن شرّ الاشرار =ومــن داس عـار الـنـاس داسـوا لعاره
جــنـّب رديّ الــكــار مــافـيــه تـعـبــار =مــافـيـه مــن فــعـل الـمـنـاعـيــر شاره
جــنـّب عـنـه خـلــّه لـقـصّـاف الاعمار =واحـفـظ وصــتـاتـي يــارفـيــع الــمناره
واسـلـم ودم بـالـخـيـر يا طـيـر غـيمار =وصــلـّـوا عـلــى المختار ما غار غاره
وقال الشيخ تركي بن حميد رحمه اله رحمه واسعه في الصديق والصداقه :
قــــــال الذي بـيـّـن من القلب مكـنـون =فــي حـنــكــة(ن) بـالصــدر ما بان لحـذاك
إتــرك عشير(ن) عشرته يوم أو دون =ثمّ(ن) يـبــدّل بـك عـشـــيـر(ن) ويـنـســاك
إشـتـف قـطـــاميّ على السدّ مامـــون =درع الـــقـفــــــا مـا ينهض الراس لعـــداك
اللــي ليا اوحى فيك ناس(ن) يقولـون =حامى على عرضـــك ويــدمــح خـطــــاياك
أنـا رفـــيقي لو يجـــي دونــه الــــدون =ما أنســـــاه لو اني على حـــوض الادراك
يســـتاهل البيضا والاخـــيار يوحـــون =والا الـــردي خــلّـــــه يـبــاري بـيـســـراك
شـم للعلا واترك هوى كـــلّ مــزيــون =لا تعــتـني بالـــغــــيّ يـــازبــن مـن جـــاك
ترى الهوى ضرب المعادي بمســنون =ورّد(ن) على الـتــــالي إلـى قـــام يـنــخـاك
وترى الهوى في يوم طاعن ومطعون =بـيـوم(ن) تـغـــاب الشمس من كل الافــلاك
هذا الهوى يعتزّ ربعه ضــحــى الكـون =فــعـــل(ن) وبـــه نـعـم(ن) الــى قيل يقراك
ياعـــبـيـد خـذ مـنـي من القول موزون =واســلــم ودم مـــا غـــرّد الــورق بالــراك
يتحدث فيها الامير الراحل / تركي بن حمـــــــيد عن شجاعة قومه واستبسالهم في الدفـــــــــاع عن مواقعهم في نــــــجـــــــــد . وقد ذكـــر الظاهري في كتابه ان الامير تركي نظـــــــــمها سنة 1247 هـ حين أعـــتـــدى فيصل بن تركي بن ســـعـــود على الــروقــــة من عتيبــــة واستغل ابتعاد الامير تركي , ولم يحضرهـــا الامير تركي إذ كـــــــــان منشغلاً في غـــــــــزوةٍ على الطرســـــــــــان من حـــــــــــرب .
ذاقـــول مـن غنـّـى ومن هاض ما خـفى =بدت لي وغيري جـــاهـــل(ن) مادرى لـــها
إصــحى تكن روع(ن) إالى شفت حادث =تـــزري تمـيـّــز حرمــها من حــلالـــــهـــــا
إلــى اوجعك ضرسك خذ القاز واقلـــعه =وإن كـــــان فــي عــيـنـك فـ دوّر دوا لــهــا
تــرى حـــلاة الرجـــــل لا شــــقّ يــرفــا =ذرب(ن) يــمــيّـز فــتـلــهــا وانـحــلالــــهــا
عــيـب(ن) على اللي بدّل الهدر بالرغــا =ولا كـــــــلّ من يبــــغى المـراجــــل ينالـهـا
وانــا ما بــلاي الا ســباع(ن) تـقـانـبــت =تـنــاطــــف مــلا كـمــها وجــرّ العــوا لــها
ومــن شــبّ نـــار الحرب للنار يصطـلي =كثـّـر مــقــــــابـيســــه وزاد اشــتــعالـــهــا
كــم غارة(ن) منـّـا على فــاقة الضــحى =يشـــبـك عــلــى روس الـمــعـادي ظـلالـها
غزينا على الطرســـــان من دون صارة =أخــــذنــــا مــغـــاتــيــر(ن) نــذّبـح عيالهـا
كــم جادل(ن) من غبنـّـا تذهل الغـــــــطا =ترفـــــع صـــــلــــيب الصوت تبكي عيالهـا
وكـــم مهـرة(ن) قـبـّـا تجــيـنا قــلاعــــة =رمينــــــــا براكــــــبها وفاخـــــت حبالـــها
أقـــــوله وانا من لابـــة(ن) تنثر الدمـــا =منـــــــاة الحـــــرايب دايــم(ن) في قتالهــا
ذقـــنـا حـــلاويــهــا وذقنا مــــرورهـــــا =ولو هي صفت يوم(ن) سريع(ن) زوالهــا
ولا تــفــــرحــوا ياشـامتين من الــعـــدا =إن طـــــالـــــت الــدنيــــا يجيـــكم بدالـــهـا
حــــقّ عـــلينا الهجن تمـشي مســــيمة =وخـــــيـل(ن) أصـــــــايل معتبين الحذا لها
لعيــــــــناك يانــجــد المسمّى بـفــعـلــنا =والاّ مــــنــــازلــــنـا فلا احــد(ن) يـنــالـهـا
إلـــى قــــالــوا الحكّــام رزّوا بيــــارق =نـنــســف عـلــى شــيــب الغــوارب ثقالهـا
ولا عــنـدنــا فـي حـلّـة(ن) عنـــد حاكم =عــلـى الــراي حكّام(ن) طوال(ن) حبالهــا
هـــذا وصــلّـوا يا حـضـور على النـبي =أزكــــى قـريــــش وكـلــمـة الـحـقّ قـالـهـا
الجزء السابع
قال الشيخ تركي بن حميد ايضا رحمه الله عليه
يالله يامنشـــــــي مزونـــــــــن بدني=يامن له الشكوى علـــــى كل الاحوال
يالله مــــــــن علمــــــاً خفياً شحني=والعين كـــــــن الها عــــن النوم عذال
جموعهم مــــــــن صيفهم يجمعني=يتلون رجـــــــــال الهدى ماض الافعال
مشــــــــو عليـنــا والبيارق مشني=والخيل ركبت نــــــــوها تقهــــــر المال
نخيت خالي يوم هــــــــــــن اقبلني=والدمع مــــــن عيني على حجرها سال
وصحنــــــا عليها صيحتاً ووجهني=والخيل مـــــــــن ضرب المزاريق تنجال
واعمارنا فـــــــــي عزنا يرخصني=والموت لبدة علــــــــــــــى العمر لو طال
والخيل فـــــالجيش الحمر شرعني=لين انقلـــــــب بطمـــاعتة كـــــــــــل خيال
خذنا عوضها كـــــــــــــــل قبا تعني=وعــــــــاداتنا نخلــــــــــي ظهر كل مشوال
وقال ايضاء رحمه الله عليه ايضاء
ان صاح صياح الضحى براس القاره=وغارت على حص الوبر عدوانها
الجيش زرفل والجموع انحازت=وعيت على المدب عصت عيانها
وحنا لحقنا فوق قب قرح=كله لعين البل وحلو البانها
وش عذرنا من دون حلوات اللبن=لاضيعت بالمعركه حيرانها
لامن عج الليل ثولا دونها=ورمت تواديها تحت اثفانها
انا على قب قحوم قارح=خطر على الحنكان من ذرعانها
اليا تلاقى ذيلها مع راسها=تسمع ضريس ضروسها بعنانها
كن المعارف يوم تنهض راسها=ثليل عذرا كاسين امتانها
تثلث على رجل تقل مكسوره=حليت عيدان السلم سيقانها
يالصانع البيطار واسمع مني=دع بالك المسمار يخطي شانها
الله ياقاها نهار الهيه=من عين رماي حفظ علمانها
مع سربة يذهل لميع سيوفها=وقصارها تلوذ في فرسانها
والموت معهم وارد ومصدر=والروح كنه واقف ديانها
كم واحد بالقاع يسهج طايح=عليه بيض حرقن اوجانها
وياما طرحنا دونها من فارس=عقب الشجاعه ياكله سرحانها
ترعى بنا العر ويكبر نيها=وننزح العدوان عن حدانها
وننزل بها في كل وادي مخضر=ترعى وسو الموت عند اركانها
في نجد نرعى مانعلق عاني=بسيوف هند ماضي برهانها
يشهد لنا وادي الرشا بافعالنا=وتشهد لنا نجد وحصى ضلعانها
قول بلا فعل عيب واضح=والصدق ما يمحاه طول ازمانها
[align=center][color=#0000FF]الجزء الثامن
وله ايضا رحمه الله عليه وقد تعددت اشعاره فمن يسطتيع ان يجمع اشعاره رحمه الله عليه
لانه كان من نوادر عصره ومن نوابغهم بالافعال كانت بطوليه ميدانيه ام كانت شاعريه
فقال ايضا :
كم حادل من غبنا تذهل الغطا =ترفع صليب الصوت تبكي رجالها
وكم سهرة قبا تجينا قلاعه =رمينا براكبها وفاخت حبالها
أقوله وانا من لابتن تنثر الدمي =مناة الحرايب دايمن في قتالها
ذقنا حلاويها وذقنا مرورها =وهي لو صفت يوم سريع زوالها
ولا تفرحو يا شامتينا من العدا =ان طالت الدنيا يجيكم بدالها
حق علينا الهجن تمشي مسيمه =وخيل اصايل متعبين الحذا لها
رعيناك يا نجد المسمى بفعلنا =ولا منازلنا فلحدن ينالها
ليا قالو الحكام رزو بيارق =نسفنا على شيب الغوارب ثقالها
ولا عندنا في حلتن صوب حاكم =على الطول حكامن طوالن حبالها
هذا وصلو يا حضور على النبي =ازكى قريش وكلمة الحق قالها
الجزء التاسع
وقيل ان الشريف دعا تركي بن حميد للحضور فركب ومه عده من الفرسان من قومه وكان معه هديه فرس وهي سابق ومشهوره عندهم وعند وصولهم الى مكه باتو عند جماعتهم في حي المعايده واخبر الشريف عن مجيئهم فغضب عليهم لانهم لم يقصدوه مباشره فرد هديتهم ولم ياقبلهم فرجع تركي وهو غضبان ومر في طريقه القوم المعاديه لهم فغنمو منها مالا كثيرا كما يشير الى ذالك القصيده :
سرنا لينبوع الصخا مكرم الجار=اللي سعى لرعيته بالصلاحي
نقاض مايفتل حيول وامكال=يصمت ولو هو يسمع العلم صاحي
جبنا له الي كنها ظبي الاقفار=مركوب من يروي شباق السلاحي
واقبل لنا بالعلم واقفى بالدويدار=وجانا من الافندي جواب قراحي
قالو جواب لا حكي به ولا صار=الله يعين اهل العقول الصحاحي
جانا بعذر وقلت انا الرب ستار=رزقي على مذري هبوب الرياحي
الرزق ياتي مثل هتاش الامطار=ماله مصك ولاش دونه سلاحي
ان كان تسمع من اهل الكذب والعار=ودع بنا رازق خفوق الجناحي
عندنا على هجن من البعد ضمار=من القفل يشدن النعام المداحي
تودع حصا الرشراش بالدويطار= الا ونقدع روسهن باللواحي
خذو عليهن ساعه وقم مغوار=وعن الوعر عطو بهن السماحي
كم ليله سرنا على الهجن ومهار=نطلب من الي خزنته ماتباحي
حنا كما حر مرابيه الاوعار=يشهر ليا شاف الجفا عنه راحي
حنا مسقيه العدو كاس الامرار=ومعشيق بالضيق برق الجناحي
ياما نزلنا منزل غب الاطار=السبر ينطش والجهامه ضواحي
كم ذود مصلاح على رعي الاقفار=ناخذ قلايعهن بروس الرماحي
والطرش جاك مشوح عقب ماذار=هج الحلال وغثبرو بالصياحي
فزو من المجلس على شبه النار=تناولو سلم القوايم صحاحي
لحقو عيال ماتمالو بالاشوار=ضارين في نثر الدمي بالرماحي
وكم خير في مطرد الخيل قد عار=هدات حر تعجب الي يناحي
ياما حديناهم على الموسم الحار=من ضرب ربع يبعدون المناحي
كان الخطا منكم ثنينا لمعذار= وان كان منا طالبين السماحي
مابيع ديني بالخدايع والافجار=المال يذهب واخر العمر راحي
وقال الشيخ تركي بن حميد يخاطب ابن هادي :
ياراكب من فوق بواجه الخلا= من البقل مابنات مواري فطروها
رعول من الراكب جزوع من العصا=خطر على هزاتها قصم كورها
ركابها من ربعنا خابرينه=دليله الظلما اليل غاب نورها
ان ابن هادي ريف هشاله الخلا=ريف الهجافا في ليالي عسورها
في مجلسه تلقا علوم طرايف=وحيل تطاها كل يوم قدورها
حنا طلبنا الصلح منكم ولا حصل=دنياك مايبقى بها الا صبورها
ترى الحرب شقا للعين ماهو براحه=تسهر ويقزى نومها من حجورها
وليا حربتونا فحنا حريبه=منا قصار اقصار شبورها
تضدوننا بالكثر وحنا نضدكم=باكوان منا ماتجبر كسورها
نقفي وحنا عيننا في حريبنا=نعقب لهم نمرا تعاقب سبورها
اما نوافق غره تيفي لنا=والا مقابيس تقسم شرورها
يرجا لفزعتنا الى جاك منا =بدهم الفرنج الي وساع قرورها
كرامه الي تشوق لحربنا=لو انتحو عنا بعيد نزورها
ما اذمكم ياربعنا نعم بكم=انتم سباع الهيش وحنا نمورها
وانتم كما ضلع صبور على الشقا=وحنا حرار في مشاذيب قورها
ساعه تجييكم خيلنا عارفينها=معاريض والا معطيكم نحورها
وساعه تجينا خيلكم عارفينها=نحد السبايا لين تركب وعورها
كم ادهما دهوم نجرها=تحاكوبها غيابها مع حضورها
تصبح مداس الخيل من غب كوننا=تشبع حناديها وباقي نسورها
ماينفع الا الصدق والفعل النقا=وباقي الحكايا بايهات امورها
عاداتنا لطم المعادي على النقا=والا العميله رائعه مانذورها
الجزء العاشر
وقال تركي بن حميد يرثي اخاه علوش وقد قتل في اضنا تاديه تركي فريضه الحج وكانت ابنه علوش حاجه معه فجائه الخبر في مكه المكرمه فقال :
ذا قول من هوجس ومن ياح ماخفا=يهيض بعبرات تبيح كنينتها
من ونه ونيتها تجرح الحشا=محال حضر في يدي شاغلينها
تدور الدواير باليالي وغرني=سريع ترددها وصكيت سنينها
دنياك لو هي ساعفت يوم كدرت=حيول تحل الحيل ومفارقينها
على الرغم ماهي بالثميني وبالهوى=جري المغربل والعرب عارفينها
على مسايرها كثير همومها=وعلى شين سيرتها العرب عاشقينها
دنياك لو توريك يوم مسره=صفق موج بقعا لين تملا جرينها
من شاف في كسر اليالي وجبرها=هي المنجل الخافي جفاها ولينها
مخلوطه عسر اليالي ويسرها=صروف اليالي دققت في طحينها
كم خير يجلى صدى عضه البلا=تضحك له الدنيا وتخفي رطينها
ياطالب الدنيا فهي تستغرك=كم فرقت من مرضع عن جنبها
وجربت من حلو اليالي ومرها=وازريت اميز هزلها من سمينها
وانا حالف لا ابيعها بيع مرخص=معيف ولو غيري حد راغبينها
حرج محرجها وجا زبونها=على سومه الغالي حريص ظمينها
اقع مهره قبا وسيف مجرب= وشلفا للقوات العدا محتسينها
ومناسف يعدا بها كل ساعه=يامر الولي يلقونها محترينها
ومن صنع بغداد دلال نظايف=نجورها باليل يسهر دنينها
على جال نار للمسايير دايمه=وثلاث حاجات لها جامعينها
اكرم لنزهين الشوارب على القسا=خص مروي حربته مع سنينها
والي جمع مال ولا ادى نوايبه= لعل ماله غوشه وارثينها
هذاك مثل الديك يذن ولا سجد=ينفع بها غيره ونفسه يهينها
وبالقلب دقاق تعومس به الدوا=حار الطبيب بعله ناقلينها
تشب السعاير بالضماير وتلتظي=كما يهش قصبا بالضوا مولعينها
انا واوجعي من بكره هيضتني= في ليله الجمعه تزايد حنينها
تجر صليب الصوت مما جرى لها=تجره من الوجلى وفرقا ضنينها
وتجرعت من عين سفوح وتزايدت=كما مزنه غرا حقوق غشينها
على اخوي ماشفت الغضب في حجاجه=يقدم لها قدام يقدم ضهينها
عبد اذا ارسلته عقاب الى شهر=نمر الى جا الخيل فرق ضنينها
وش خانه الدنيا ولو به رغبنا=جربناه ناس قدمنا جاربينها
وزبنت مع من يمنع ولا عنه مانع= ربي عن الزلات نفسي يعينها
ياغافر الزلات تدمح لي الخطا=الاعمال ملائكه الرضا حافضينها
حاسب محاسبها وعطيت كتابها=شمالها والا جعل في يمينها
ياقلب هود واطرد الهم بالنجم=الافراح من عند الولي مرتحينها
طلبت من يمنع ولا عنه مناع= ربي وباقي اسبابهم عايفينها
لزمت حبل الولي الواحد الصمد=لاخاف رعب القلب وايقن ذهينها
والقتل من عقب الامور الحوادث=تنقض لوالب قالة فاتلينها
ولا صرت الاقلام مافاد من حكي=كودا على طلابه طالبينها
من لا يصافي مايصافي صميدع=صبور على عسر اليالي ولينها
ومن لا يغالي لاخذا بنت طيب=يعينه على ضيم اليالي جنينها
ومن لا يخاشر بالقليل ابن عمه= لا جاه من ضيم اليالي سنينها
وصلو على المدثر المؤمن التقي=اكرم بتقوى الله وتقويم دينها
وسمعت من رجل من اهل الشمال هذه القصيده لتركي اذيعت من اذاعه الكويت ويقول فيها :
ان صاح صياح براس القاره=وغارت على حص الوبر عدوانها
الجيش زرفل والجموع انحازت=وعيت على المدب عصب عينها
وحنا لحقنا فوق قب قرح=كله لعين البل وحلو البانها
وش عذرنا من دون حلوات البن=لا ضيعت بالمعركه حيرانها
لا من عج الخيل ثور دونها=ورمن تواديها بحث اثفانها
انا على قبا قحوم قارح=خطر على الحنكان ذرعانها
الى تلاقا ذيلها مع راسها=تسمع ضريس ضروسها امتانها
كن المعارف يوم تنهض راسها=ثليل عذرا كاسين امتانها
تثلث على رجل تقول مكسوره=حليت عيدان السلم سيقانها
يالصانع البيطار واسمع مني=دع بالك المسمار يخطي شانها
الله ياقها نهار الهيه= من عين رماي حفظ علمانها
مع سربه يذهل لميع سيوفها=وقصارها تلوذ في فرسانها
الموت معهم وارد ومصدر=والروح كنه واقف ديانها
كم واحد بالقاع يسهج طايح=عليهبيض حرقن اوجانها
وياما طرحنا دونها من فارس=عقب الشجاعه ياكله سرحانها
ترعى بنا العرا ويكبر نابها=وتنزح العدوان عن حدانها
وتنزل بها في كل وادي مخظر=ترعى وسو الموت عند اركانها
في نجد ترعى ماتعلق عاني=بسيوف هند ماضي برهانها
يشهد لنا واد الرشا بافعالنا=وتشهد لنا نجد وحصا ضلعانها
قول بليا فعل عيب واضح=والصدق مايمحاه طول ازمانها
_( وصلىآ الله علىآ نبينا محمــد وعلى اله وصحبه ومن والاه الىآ يوم يبعثـــــون )_
عزيزي القارء زائرا ام عضوا مرحبا بك معنا واهلن بك وعند اقتباس الموضوع او نقله الرجاء ذكر المصدر
بحث واعداد
عباس مشعل الشيباني