[نايف الطير]

المشاركة الأصلية كتبت بواسطة سيف الشمال

ياخي ابفهم كيف تروح فلوسك هاذي بنوك تعمل بانظمه جميعها مستورده من اقوي انظمة الامن والسلامه في هاذا المجال وتتحدث انظمتها الامنيه اول باول من حيث الثغرات الامنيه

اما كيف تروح فلوسك هاذا السؤال له اجابه اود ان افيدك فيها كا معلومه
لايمكن لاي كائن من كان حتي لو نسيت محفظتك اوحسابك مفتوح علي الكمبيوتر في اي مكان عام لماذا لانه من يود تحويل مبلغ مالي الي حساب اخر لا بد له من ادخال رقم بطاقة الاحوال المدنيه الخاصه بك وهذه لايعرفها الا انت والنظام لا يقبل تخزينها ابدا كا حفظ بل يجب عليك ادخالها عند كل عمليه

هل تعلم ان جميع البنوك مما تخاف بس الاكثريه لا تعلم تخاف ان يتم اختراق حساب العميل لمعرفة رصيدك فقط اما تحويل الاموال فهذه لا لايمكن ان تتم الا بمعرفة معلومات بطاقتك الشخصيه وهذه يستطيع القيام بها موظف بالبنك وطبعا مستحيله لانه يكون فيها كود الموظف واسمه علما بانه بعض الموظفين في بعض البنوك قد قاموا بهاكذا عمليات اما في خالة الاهمال اذا ثبت ان العمليه لم تتم عن طريق احد موظفي البنك يحملك البنك المسؤليه مباشرة علما بانه لو تمت فستكونبااهمال منك علما انه البنك يستطيع تتبع المبلغ المسروق من خلال الحساب الذي تم التحويل اليه هاذا في حال حصول احد علي رقم سجللك المدني ورقم اليوزر والباسززوورد وهاي مستحيل تتم مع بعض
فالبنوك تخشي من كشف رصيد وحساب عملائها طبعا اناس الي ارصدتها بعشرات ومئات الملايين
وشكرا لطرحك

أخي سيف الشمال ..

السلام عليكم ورحمة الله وبركاته ..

إذا أقدر أحيل أحد على موقع مضروب (يعني ماهوب موقع البنك) وأخليه يعبي بياناته الشخصية وبعدين آخذها منه فأعتقد هذا ماله دخل بوجود ثغرات أمنية في أنظمة البنوك من عدمها..

هذي نقطة وبعدين ياأخي إلى وقت قريب في سامبا أونلاين تقدر تستعمل بطاقة الماستر والفيزا للمشتريات وسداد الفواتير دون إدخال رقم بطاقة الأحوال ..

وبمناسبة الحديث عن بطاقة الأحوال ...

هل هذا الرقم سر خطير لايعرف سوانا .. ملفاتنا في جهات عملنا مليانة بصور بطاقات الأحوال ..
أصغر موظف عنده كمبيوتر في مركزالمعلومات الوطني أو حتى شركة الاتصالات وموبايلي يقدر يطلع على هالرقم الخطير ..
وفي أي جهة حكومية نقدم عليها تلقانا نكتب الرقم وحتى لو نقدم على وظيفة مندوب مبيعات لازم نصور لهم بطاقة الأحوال ..

يعني لو رقم البطاقة يطيح في يد واحد يقدر يزرع باتش أو يرسل لك الإيميل الماخوذ .. وش بيصير في حسابك؟؟؟


وحتى لو مايقدر الهاكر ياخذها عن طريق خارجي فبمجرد دخوله للحساب أونلاين يلزمه قليل من الحظ فلعل المقرود عنده تمويل أو قرض سابق من البنك عندئذٍ يقوم الهاكر بطلب تمويل جديد على السابق فتأتيه صفحة استمارة طلب تمويل إضافي وقد امتلأت حتى رأسها من بيانات صاحب الحساب (بطاقة أحواله وجهة عمله وهواتف اتصاله والمعرفين ...آلخ) وذلك تسهيلاً من البنك على مقدم الطلب الإضافي ...


يمكن لو عندك حساب في سامبا تبا تقول : أي طلب تحويل أو سداد فواتير يحتاج تعريف بيانات مستفيد جديد؟؟؟

طيب جربت تفعل مستفيد جديد ؟؟

الموظف الأمني الرهيب في البنك ينشد : هلا أخوي فلان الفلاني .. ودك تفعل حساب رقم 0000 0000علشان تحولّ له ؟؟

إي والله .. الله لايهينك ...

طيب ممكن تقولي منهو باسمه حساب المستفيد ؟؟

باسم علان العلاني..

طيب ممكن لو تتكرم وتعطينا تاريخ ميلادك؟

واحد سبعة ألف وثلاثمية وعشر طعش..

طيب ممكن تتكرم وتقول لي جهة عملك ؟

في الإدارة الفلانية

شكراً أخوي فلان وتم تفعيل المستفيد ..




وضاعت فلوسك يافلان الفلاني زرفها علان العلاني!!!


هذا أقصى درجات الحقارة والنذالة (الله يكفينا وإياكم شرها) ..

طيب ماقدر الحرامي ياخذ رقم بطاقتك -مع إنه ليست بصعوبة الحصول على معلومات الدخول-

أجل يبقى عنده يلخبط اللي يقدر عليه ...

يشري لك أسهم مدحدرة بكامل السيولة ....

ويبيع لك أسهم الجماعي واتحاد اتصالات بخسارة 60%... عادي وش وراه !!!


ولاتتتوقع إن كل الناس اللي عندهم بريد الكتروني يدرون إن الرابط اللي يجيهم إيميل يبا يوديهم يمّ سامبا ولاّ يم بنات الخليج مثل اللي في الصورة ...

هذا ماوددت إيضاحه والله من وراء القصد ...

أشكر لأخي سيف الشمال إثراء الموضوع بالمفيد


حفظنا الله وإياكم وإخواننا المسلمين من شرور ضعاف النفوس