[أبو نجر النفيعي]

المشاركة الأصلية كتبت بواسطة ذياب

الليل يابو نجر قرب وأنا خوك=ترى القلم موجود والناقص البوك
والناس لو تمدحك فالوقت سبوك=سبع الاراضي تحت سبع السموات

بنت الخنا يالنفاعي وش تقول=يالعنبوها على من جابها
تهرج ولاكن والله ماتطول=الا الفشيله على جلبابها

المشاركة الأصلية كتبت بواسطة أبو نجر النفيعي

ارحب يا ذيااب

ياذياب لو تزهمني ازهمني بشويش=لاترفع الاصوات والعالم اتطيش
يازين يا رجّال سوق المطاريش=سبع الاراضي تحت سبع السماوات

بنت الخنا يالعصيمي بنت اصول=لاكن هالليل جاء حلاّبها
اقفل وقفّل علاها بالقفول=لا ينفتح للاوادم بابها

المشاركة الأصلية كتبت بواسطة ذياب

اشهر بصوتك ليش ما تشهر الصوت=حتى تعرف اعلومنا كلها (نوت)
وان كان تطمر فوق رفرف وكبوت=سبع الاراضي تحت سبع السموات

بنت(ن) خبيثه على دق الطبول=ياحلوها يا حلو مخلابها
ماعاشت الا على جره وفول=و(بعيد) مكروه شق اثيابها

المشاركة الأصلية كتبت بواسطة أبو نجر النفيعي

يا ذياب صوتي دايم(ن) رافعه فوق=ما قصّرة ياصاحبي رجل مطفوق
لاهو بلا برقا ولا هو بلا روق=سبع الاراضي تحت سبع السماوات

انا شدادي على ظهر الذلول=ما لد عيني على مرقابها
ماهو بواصل علامه بالوصول=دام العرب فتّلت فشنابها

المشاركة الأصلية كتبت بواسطة ذياب

ما والله يشرف عتيبه ولا ابغاه=يذلف مراح مقيط ومقيط ورشاه
قدام لا أوسده فاللعب يمناه=سبع الاراضي تحت سبع السموات

يابو نجر لا تلفت فالخبول=ماوالله اتضرنا بانيابها
ولا بلاهيد لا شال الحمول=يحما المواويل لا غنابها

المشاركة الأصلية كتبت بواسطة أبو نجر النفيعي

من قال لك يا ذياب حنا نباهم=نبا فراق الشر والله معاهم
وان وقّفو والله للعن ثواهم=سبع الاراضي تحت سبع السموات

يا حاضرين المواقف يالزحول=يشهد بها حاضر وغيّابها
ياذياب مالك ومال اهل الهبول=اهل العقارب طوال اذنابها

انــــتــــــهــــى

التوقيع

.....