[ابن نجد]

رغم ان من نشرها يعرف من قائلها لكن للاسف امتنع شاعر هذه القصيدة عن البوح حتى ولو بأسمه لكن ما لنا والاسم مادام هي الاسم:

واعتقد وباحساس قوي بأن شاعرها امرأءة …… وقد اكون مخطأ :

ياغربت الليل ليل الهم طاويني
برد الشتا جمد الخدين واطرافي

شبيت نار(ن) من الماضي تدفيني
بعيش لحظة امل في جوها الدافي

دنيا عنيده عنيــده ماتصافيني
يالله دخيلك ليا صار الزمن جافي

تمشي على الكيف مع ناس(ن) تواسيني
لكنها مع فقير الحــــظ تنعـــافي

صمت الليالي بلا فرحــــه تبكيني
همس الهواجيس يزعجني وانا غافي

لا رحت قدام صوت الحزن يدعيني
وش لون اعود ونار الهم بخلافي

واعيني اللي من العبرات تشكيني
واترجمه دمع فوق الخد ذرافي

الله ياخذ عيوني ما تقــــديني
ما تدري اني على جود الزمن وافي

يالله عسى الريح لا هبت تنسيني
عشاني اعيش باقي العمر متعافي

حلفت في رحلتي ما احد(ن) يخاويني
في اليم كود القلم والشعر مجــدافي

ارجو ان تحوز على الاعجاب ، ومن يعرف قائل القصيدة لايبخل علينا
---------------------------------------------------------------------
زماننا غير زمانهم وحتى نتذكر الاولين
اخوكم ابن نجد