[خيّال الرحمن]

بسم الله الرحمن الرحيم

والصلاة والسلام على أشرف الانبياء وسيد المرسلين سيدنا محمد
وعلى آله وصحبه , ومن تبعهم بأحسان الى يوم الدين [/frame]



.............................اما بعد

	نظرا لآن معركة طلال (الكبرى)1290هـ, أحد المعارك الكبيره ليست في تاريخ عتيبه فقط , وأنما في تاريخ المعارك في الجزيره العربيه, في القرون المتأخره , ولأنها تدّرس من ضمن مناهج تاريخ تاريخ الجزيره العربيه ,وذلك في أقسام التاريخ وكليات الاداب في الجامعات السعوديه , وكليات المعلمين في انحاء المملكه .

وحرصا , مني , على توثيقها , قمت بمجهود ’ اتمنى ان يحوز على
رضى المتلقي أيا كان .

وقد حرصت فيه ان يكون موثقا قدر الامكان , مستنبطا من
كتب التاريخ المطبوع منها والمخطوط .


فأقول بسم الله

اولا - التعريف بشخصية الامير سعود بن فيصل بن تركي ال سعود
الحاكم الرابع للدوله السعوديه الثانيه ,ولد عام 1245هـ تقريبا , امه بنت الشيخ ابن منديل من زعماء بني خالد القبيله المشهوره , عرف الامير سعود بالشجاعه والكرم ,حتّى لقّب (أبوهلا), وهو والد الفارس الامير المشهور محمد بن سعود (غزالان), وهو ايضا جد الفارس الامير سعود الكبير (العرافه)بن عبدالعزيز بن سعود الفيصل ,من سلالته اليوم الامراء, ال كبير (صاحب السمو الاميرسلطان بن محمد بن سعود الكبير
حفظه الله وأخوانه ), ومن سلالته ايضا الامير الشاعر (السامر) عبدالعزيز بن سعود بن محمد بن عبدالعزيز بن سعود الفيصل .
(نعم بذا الوالد ونعم الوليدي ), (صقور من ماكر صقور)

يقول الشاعر فجحان الفراوي مادحا الامير سعود بن فيصل :

ياسعود ياترث الصخا منقع الجود = انت الغرض ماعاد نبغى بدالك
انته سعود معرب الجد بشهود= أبوك فيصل وابن منديل خالك

كان لما توفي والده الامام فيصل بن تركي عام 1282ه , خرج عن طاعة اخيه عبدالله بن فيصل , وحصلت بينهم عدّة وقعات , انتصر في اغلبها على عبدالله , ثم دخل الرياض حاكما في المحرم عام 1288ه الى ان توفي ,
توفي رحمه الله في الرياض في شهر ذي الحجه عام 1291ه .

	اسباب المعركه : للمعركه عدّة اسباب :

السبب الاول-ان الامير مسلط بن ربيعان لم يفد على سعود , ولم يبايعه ولم يعطه الزكاة ..يقول المؤرخ مقبل الذكير في مخطوط (مطالع السعود) :((....لما حصلت الانتصارات لسعود على أخيه عبدالله , في وقعتي جوده_ 1287ه _والبره_1288ه _وفد عليه رؤساء القبائل يهنئونه , الامسلط بن ربيعان فأنه لم يفد عليه فنقم عليه سعود وأراد ان ينكل به....)).انتهى ص96


السبب الثاني_ ميل الامير مسلط بن ربيعان الى صف الامام عبدالله بن فيصل ..حيث يقول الذكير:((......كان سعود ناقما على مسلط ,لانه كان سابقا يميل الى عبدالله الفيصل , رغم انه لما حصل الخلاف بين عبدالله وسعود تجنب مسلط امورهم ولم يتدخل في شيء منها ولم يساعد أحد منهم ...)) انتهى ص 96

السبب الثالث- أن الدويش ورؤساء مطير حرّضوا سعود على غزو عتيبه , بسبب ان عتيبه قد أخذت بعض حلال مطير السنه الفائته .....وفي ذلك يقول الذكير قاصدا سعود (....وحمله على ذلك _غزو عتيبه _ الدويش ورؤساء مطير ...))انتهى

والدويش هو الشيخ بدر بن شقير بن محمد بن فيصل بن وطبان الدويش
شيخ ال محمد من الدوشان , فقد جمع الشيخ بدر الدويش فرسان مطير من علوى وبريه فرعي قبيلة مطير , وبرز من فرسانهم في المعركه , الفارس بدر بن مشل الدويش , والفارس الشيخ غنيم بن شبلان شيخ اليحيا من الجبلان علوى مطير , والفارس الشيخ سلطان البعّير شيخ الخواطره من الموهه من علوى مطير .

	مقدمات المعركه

نبه الامير سعود بن فيصل بالمغزا , وأرسل الى روؤساء البلدان والقبائل , فأجتمع لديه خلق كثير , نعدد منهم 1- مطير بفرعيها علوى وبريه 2- سبيع بقيادة الشيخ فراج بن عساف ابوثنين 3- العجمان بقيادة الشيخ حزام بن مانع بن حثلين 4-الدواسر منهم الشكره بقيادة شيخهم ابن حفيظ .
اما الحضر فمنهم اهل العارض وأهل الوشم بقيادة ابن سدحان والبواردي وأهل الخرج والحوطه والحريق بقيادة الهزاني , واهل الغاط بقياده الامير محمد بن أحمد السديري _خال الملك عبدالعزيز _وأهل القصيم بقيادة الامير مهنا الصالح ابالخيل .

ساروا في ربيع الثاني عام 1290هـ, فلما قطعوا اكثر من ثلثي المسافه , متجهين الى حيث يقطن مسلط بن ربيعان على آبار طلال في عالية نجد , فشاهدهم رجل من عتيبه اسمه سرور الحمادي , فسابقهم يريد ان ينذر قومه ,فوصل اليهم قبل الجيش بليله , فجاءهم باليل (العتيم), وأخبر مسلط بما شاهد , فأمر مسلط أحد عبيده بأن يكبّر النار بوضع جميع الحطب فيها , وأرسل مراسيل يستدعي كبار القوم , فلما حضروا أخبرهم , وقال ان سعود قريب وحروته صباح الغد , وش رايكم , فأختلفت الاراء بين الشديد والهزيمه , وبين الثبوت والعزيمه (وكان من رأي مسلط الثبات , وهذا هو رأيه دائما ,اليس هو مناوخ الحكام؟؟, لكن يريد أن يتفحص عزائم القوم ) فقال فريق آخر : نبي نهزّم البل بليل ونبقى خيل ورجال , وأذا جاء قابلناه اما ننتصر, واما ان انتصر سعود مانخسر الا السوادين (بيوت وغنم).قال الامير مسلط : وش حنا بليا السوادين ,,,هذا ماهوب راي ,,ثم تفقد الحضور وسأل عن صنيتان الضيط , وكان غائبا , فأرسل من يندبه (وكان الضيطه مشهورين الى جانب شجاعتهم , بسداد الرأي )فلما جاء صنيتان , خاطبه الامير مسلط وقال: وش رأيك ياصنيتان , قال صنيتان : الرأي رايكم , قال مسلط : مالقينا رأي ناس تقول ننهزم وناس تقول نواجه بدون مال ,وانت وش رايك ياصنيتان , قال صنيتان الضيط مقولته المشهوره:الرأي (عقال ومبرك وقلب يأوي لهن هدان), يعني عقّلوا البل ونحارب دونها , فقال الامير مسلط: هذا هو الرأي ,أسمعوا يالحضور , الحاضر يعلّم الغايب ,ترى المنع مرفوع , وترى اللي يمنع مسهوج وجهه,قال صنيتان الضيط :قم يافلان وقم يافلان ونادوا فلان وفلان عدّد مجموعه من شباب القوم , قال ياعيال , الحين سعود منّوخ ويبي يصبحّنا , والمتسرقه (المتسللين)من قومه يشوفون نيرانّا , ويبون يحوفون البل والبيوت قبل البيرق , لكن حنا نبغا نكمن لهم , في أسفل الشعيب , ومن جاء منهم ذكيناه , وقطعنا راسه , وحطينا راسه عند رجليه , حتى أذا أغار القوم صباحه , يشوفون ربعهم على الدرب , بهذا المنظر ويرتبكون , ويجفلون ,,ففعل مثل ماقال ..

ثم لمّا دخل مسلط (المحرم )قسم النساء , جاءته ابنة أخته (مضاوي بنت الحميدي الدويش , امها شعاع بنت محمد بن ربيعان , ومضاوي كانت متزوجه من ولد خالها تركي بن سلطان بن ربيعان )وقالت لخالها الامير مسلط : ياخالي أنا طلبت بنات خوالي انني أكون في العطفه الصبح , ورضوا , وانا هالحين طالبتك ايّاها ,فقال مسلط لكي ماتريدين ..

	المعركه

فلما جاء الصبح رتّب الامير مسلط جموعه ووضع قبائل مزحم في الميمنه , وطلحه في الميسره , وجعل العطفه في القلب مع مجموعه من شجعان القوم ,فتقدم الامير مسلط وكان عاصبا رأسه بقماش أحمر , ولبس جوخة حمراء , والى يمينه الفارس الداهيه مدوّخ السليح عاصب راسه بخرقة سوداء , وعلى يساره الفارس ذعار بن صلاّل والفارس الجلاوي .

فلما تقدّموا (وكان مسلط على فرس شعلى اللون ,وكان هو في المقدمه , على انه كان كبير السن حدود 70عام , فلما تقدّم سمعت فرسه صوت الطبول , في الجيش المقابل , وكانوا العبيد يقرعونها للتنبيه ولتحفيز الجيش على القتال ..فلما سمعت الفرس الصوت ...(أحرنت ) جفلت ,فلكدها مسلط بقدمه , وقال والله لتلكدين ,( ما مروعك الا عبد يقرع له شن),.........فتقدم وصاح , الآد روق ياعيال أبوي , اليوم يومكم , عوايدكم .......علااااااااااهم , والله أكبر .

ثم فزعت الخيل بالفرسان , وأشتبكت الجموع , وبدا الغبار وريح البارود
وصهيل الخيل وقرع السيوف وأصوات العزاوي
وانغمس الجمل بالعطفه في وسط الميدان , وخرجت
البنت (مضاوي) وحذفت , شيلتها وفرعّت , وصاحت وهي تبكي ...
(عليهم يالاد روق عليهم يالاد روق ,,هوشوا هوشوا ,,عسالكم تالي ..عسا لكم تالي ..).فانتصروا على انهم أقل بكثير من جيش سعود

	يقول المولى عز وجل في محكم التنزيل ((....قال الذين يظنوا انهم ملاقوا الله كم من فئة قليله غلبت فئة كثيره بأذن الله والله مع الصابرين ))آيه 249 سورة البقره.

قال الاستاذ أحمد عطّار في كتاب صقر الجزيره ج1 ط2 صفحه 76. بعد ان تحدث عن حكم سعود .((.....وأخيرا ضعف شأنه حتى قام عليه رجال عتيبه تحت أمرة زعيمهم مسلط بن ربيعان , بأعمال النهب و السلب وونهبوا الجانب الغربي , من الرياض فخرج اليهم سعود , وتقاتل رجاله مع رجال مسلط ,قتالا شديدا ,ذهب ضحيته ,كثير من المخلصين لسعود , واصيب هو نفسه , بجرح بليغ الزمه الفراش مده وكان ينغر عليه ويخرج منه الدم فمات من أثره عام 1291هـ..))انتهى

يقول المؤرخ ابن عيسى واصفا شراسة المعركه , وعدد من قتل فيها (....فحصل بين الفريقين قتال شديد , وصارت الهزيمه على سعود بن فيصل , ومن معه وقتل منهم خلق كثير ....))


من مشاهير القتلى الذين ذكرهم

1-الامير سعود بن صنيتان ال سعود
2- الامير محمد بن احمد السديري امير الغاط وخال الملك عبدالعزيز.
3- عبدالعزيز بن احمد السديري خال الملك عبدالعزيز.
4- الامير علي بن ابراهيم بن سويد امير جلاجل
5- الامير فهد بن سعد بن سدحان امير شقراء
6- سعد بن محمد البواردي من كبار اهل الوشم
وغيرهم كثير .

يقول الفارس الشاعر سهّاج بن غلاب بن ربيعان , واصفا المعركه:

جانا النذير سرور وسعود جا اليوم = يقدى الجموع الضاريات المهيله
وبدبرت الله راحوا اشتات وقسوم =عقبان نجد أهل الفعول الجليله
بدر الدويش اللي من العام مسموم = مبطي يحايلنا على كل حيله
ماخلقت الدنيا ولا الدين في يوم= واللي يتمنى حربنا نعتبيله
يوم من الجمعه على هلة التوم =عج الرمك كنه عجاج المخيله
اولاد روق اللي كما دولة الروم = امرويه حدب السيوف الصقيله
ومركاضنا من عقبه الجمع مثلوم = ولبس الحداد اللي ينقّض جديله
ومن طاح لا راحم ولاهوب مرحوم = بموصلات بالعروق الطويله
والكبد ماذاقت من الزاد مطعوم = لين أقتفتهم خيلنا فالدبيله
وياطير ياللي فالسما تكثر الحوم= عان السدارى روسهم فالمسيله
وفهد ولد سدحان في مذبح القوم= وراع الرويضه مالقى من يشيله
الذبح تسعميه وزود بلملوم = عود من الروسان ربي مزيله
وراك يالملوم تخمر مع القوم = ماجا من الله مامعي فيه حيله

كذلك قال الفارس الشاعر شليويح العطاوي عدّة قصائد
لكن أشهرها , (آوي )
يقول المؤرخ العبيّد في مخطوط النجم اللامع , في صفحه 297 بعد ان تحدث عن تفصيل المعركه :
((...وتشهد بشهرتها , قصيدة شليويح العطاوي , كما شهدت , قصيدة عمرو بن كلثوم لبني تغلب في وقعة خزاز , مع اليمانيين .....)) انتهى



والقصايد سوف تأتي تباعا

وهذه هي القصائد :

	هذه مجموعه من قصائد معركة طلال الكبرى 1290هـ

القصيده الأولى وهي لشليويح العطاوي والتي
وصف فيها المعركة وهي :-

ألا يالله تغفر لي ذنوبي= تغفر لي ذنوبي والآثام
كما إني ماتقفّى الغافلين = ولا أسب الأجاويد الكرام
هجدنا النذير بهود ليل= وحنا هاجعين فالمنام
والشردان أشاروا بالرحيل=والظفران أشاروا بالمقام
وأقمنا وبنّينا البيوت= وكلاً دونها لبس الحرام
يوم سعود جانا بالدويش= جاب مطير مع صبيان يام
وأهل سدير والسبعان معهم= والعجمان يقداهم حزام
والقصمان جونا من يمين= يبون المباني والجهام
والدمام دقوّه العبيد= ونور الشمس غاطيه الغمام
وشافونا وجونا سارحين=والله مانوونا بالرحام
ولجّن العذارا بالصياح= شافن الجموع الها ادحام
ورمن البخانق والهدوم= وينخّن بالجدود وبالأسام
وردينا لدهمان الفرنجي=وحد الشلف كاسرت العظام
ومركاضٍ يسر الناظرين= ترعابه مرودمة السنام
لاتبكن يابيض النحور= عان الفعل في ولد الأمام
دون البل مكرمت الضيوف= بعنا الروح بيع مايسام
والا يانديبي فوق عوب= فوق الهجن عجلات الولام
خلّن العلم عنهن جنوب= وهنه كنهن ربد النعام
يلقن البيوت مبنيات= سود كأنهن روس القدام
وأول مايواليهن عقاب= بن شبنان والربع الحشام
ويلقن الدلال مساطرات= ويعبى كيفهنه بالولام
ويلقن الصحون ممليات= وأذناب الكبوش إلها إيدام
سلملي على آلاد الكريزي= حمول الخيل مروين الحيام
سلملي عليهم يانديبي= وخص عقاب حمّاي الجهام
قل لولا الحب والرفوان فيكم= لقنّع بوشكم حمر العسام
لجازي من طمع في جل ذودي= بفعل يشتهر شرق وشام
لين إن الهبود تشوف فعلي= وأنا لي كزّة الفارس غرام

ولكن هذه لم ترضي الاميرمسلط بن محمد بن ربيعان حيث قال لشليويح فعلنا اكبرمن هذه القصيدة وهذه قصيدتك في ابلك التي خذوها ذوي خضيرمن المقطه في لوم فقال شليويح قصيده ثانيه قال فيها :-

جانا النذير عصير مرذي الفطاير= سرور شوق اللي حوى الراس بقران
يقول جاكم واحدٍ مايساير= طاغي وظالم مانوى فيكم إحسان
سعود جاء من يمة الشرق فاير= بصبيان يام مرجحة كل ميزان
ومعهم هل العارض وسبع الجزاير= ومعهم بريه وغيرهم جمع دوشان
وردّوا لرأي مدرّبين البصاير= وقلنا على الله مانبا غيره أعوان
وسقنا لهم جمعٍ يشوق النظاير= موحدين اللي ليا وحّد اعان
وبعد صلاة الصبح والعج ثاير= لين اتقى خشم النجج عقب مابان
وخيلٍ نصت خيل وخيلٍ تخاير= وخيلٍ مرزنّها غنيم ابن شبلان
كنه ليا اعرض في وجيه الجراير= يمنع هذولا عن هذولا بقرعان
وراحوا لنا مع دبرت الله نحاير=عقبان نجد اللي يقدّون الأضعان
جو بالجراير وأنكفوا بالخساير= خسايرٍ ماتنتعوض بالأثمان
والله ما اذم متيهين العشاير= لكن ضاموهم عطيبين الأكوان
الدم سايل في وجيه الكساير= وراحت سربهم كنها جول غزلان
ياراكب اللي كنه الهيق ذاير= وليا عطا دوا الخلا يقرن أقران
ليا جيت برقا خصهم بالبشاير= قل إرجعوا لدياركم هي الأوطان
برتوبنا ياذاهبين الحظاير= وحنا ذراكم يوم زوغات الأذهان
راح العصيمي والخيوطي يذاير= وضعونهم وصلن جاحد وسقمان
وحنّا خدمنا اللي من ورا العرض ناير= بأولاد روق مطوعة كل فسقان
بدهم الفرنجي من حداد الذخاير= وحدب السيوف اللي يقصن الأمتان
ومسلط كما حرٍ من الوكر طاير= صيده نهار الكون ذربين الأيمان
عسى يمينه ماتجيها الجباير= يمنىً ترّوي فالملاقى شبا الزّان
والحضر واللي ياكلون البراير= غدو شتاتٍ عقب ماهم بخلان
افرج لنا الله من أمورٍ كباير= الله ولافزعت عقاب إبن شبنان

وكذلك لم تنال هذه القصيدة اعجاب الاميرمسلط بن محمد بن ربيعان وعاتب شليويح عليهاحيث ان فيهانوع ٍمن العتاب لبعض لقبائل عتيبة التي لم تحضرالمعركة و بعد ذلك قال سهاج بن إربيعان قصيده يقول فيها :-

جانا النذير سرور وسعود جاء اليوم= يقدا الجموع الضاريات المهيله
وبقدرة الله راحوا إشتات وقسوم= عقبان نجد أهل الفعول الجليله
بدر الدويش اللي من العام مسموم= مبطيٍ يحايلنا على كل حيله
ماخلقت الدنيا ولا الدين في يوم= واللي تمنى حربنا نعتبيله
يومٍ من الجمعة على هلّت التوم= عج الرمك كنّه عجاج المخيله
سقنالهم جمعٍ من الغيض مزحوم= مثل الخيال اللي ثقيلٍ مخيله
ألاد روق اللي كما دولة الروم= مروية حدب السيوف الصقيله
مركاظنا من عقبه الجمع مثموم= ولبس الحداد اللي ينقّض جديله
ومن طاح لاراحم ولاهو بمرحوم= بموصلاتٍ بالعروق الطويلة
والكبد ماذاقت من الزاد مطعوم= لين إقتفتهم خيلنا فالدبيله
ياطير ياللي في السما تكثر الحوم= عان السدارا روسهم فالمسيله
وفهد ولد سدحان في مذبح القوم= وراع الرويضه مالقى من يشيله
الذبح تسعمية وزود بلملوم= عودٍ من الروسان ربي مزيله
وراك يالملوم تخمر مع القوم= وما جاء من الله مامعي فيه حيله

[align=center][color=#330000]وقال سهاج قصيده ثانية لايحضرني منها سوى أربعة
أبيات وهي

هاضتني جموع المسلمين=جونا مثل عمدان الجرادي
جونا من يسار ومن يمنين= والدمام من صبحه ينادي
يالله ياشفيع المؤمنين=روس الحضر نطلٍ فالمنادي
خل العرب جرعات الحنين= ترعى من طلال ليا الثنادي

وجميع هذه القصايد لم ترضي الامير مسلط إبن ربيعان
وطلب من الشعراء قصيده أفضل .
فقال شليويح العطاوي قصيده أرضت الامير مسلط بن ربيعان
وأرضت جميع عتيبه لانها تناسب الحدث

القصيده الكبرى :

أول كلامي طلبتي ذكر الله = ماني عن الرب الكريم غناوي
أغفر ذنوبي يامحل ذنوبي = إن كان في بدع كلامي غاوي
ماني بمن يمدح بقول لسانه= ولاني على عشق البنات هواوي
على طلال الصبح خلت مخيله= تاصل مناينها ليا الجرذاوي
وبروقها الهند ومصاقيل العجم= ورعودها البارود والعزاوي
وتمطر بعطشان المحبب والقنا = والها بروس الخيّرين تعاوي
جانا سعود مسيرِ بجنوده= معه الدويش ولمّة البداوي
ومعه جموع سبيع وأهل العارض= وصبيان يام وبيرق القصماوي
ثمانية آلاف عداد جموعهم= بلوى وربي يدفع البلاوي
وحنّا ثمانمية عداد جموعنا= ماش أجنبي فينا ولا برقاوي
ألاد روق اللي عديمٍ رايهم= لاجاء من الحكام رد براوي
نبب عيلنا شيخنا إبن محمد = ثم إنتهض مثل العقاب الناوي
عودٍ تعصب في ظهر جلومد = جلومدٍ مثل القضيب الهاوي
مترفعاً عنها اللحم بعلوّها= شعلاً شعاع شعّلتٍ شعلاوي
وصحنا عليهم ثم عاونا الله= لين إنها صارت لنا مناوي
ياضفرهم لاقرب الله دارهم= وحنّا عليهم مثل نجمٍ هاوي
لكن سربتهم ليا اوجهنا بهم= شراد ريمٍ مع حمادٍ داوي
ولكن سربتنا ليا اوجهوابنا= زمولٍ مخزمتٍ على الكراوي
ولكن شليل الخيل قدم نحورنا= صيد الخلا معطٍ مع القراوي
وطلحه نحو عنّا بريه يسارهم=وتعاقبوا دهم العروق هداوي
كنّ الجنايز في نحاوي طلحه= جدع الخشب فالوادي السناوي
وحنّا تلاقينا بسربة علوى= وساع الطعون مطوعين الغاوي
ونخيت مزحم سعد منهم ربعه= يوم اللقاء زادوا ورى الهقاوي
ردوا يمانيهم لكل مجرب=و ياما خذوا من روح كل مساوي
نضرب بسلات الهنادى روسهم= ونقسم مثانيهم ماهي بسطاوي
ونرخي عليهم حد كل موصلا= وفي فعلها يحتار كل مداوي
وارويت مذلوق القنا من خيلهم= لين ادبحو شرابة القهاوي
ومنعت سلطان البعّير بينهم= وشيوخ ماصدوا لهم نحاوي
يارب تنجيني وتنجي سابقي = اللي تّزبني عن الأهاوي
مايلحق العنّان هومة راسها = ياكود يركيها على السنداوي
حزمبرٍ كن الحزوف بطيها = ولاثياب البز فالمطاوي
مضرب يداها في صليب الرّقّه= تأخذ من أدنى الحزم كبر الشاوي
قباً من الزلبات وافٍ عدها =بنت الأصيل وركضها فجحاوي
أبّرها وأم العيال تبرها = تشرب حليب الفاطر الجنفاوي
وتطلعن يالبيض في مركاضنا= وصلت كسايرهم للجرذاوي
عزي لهم لولا اسمر في خيلهم= يهوي علانا هواية النداوي
ولارحم ابو من صد عن محرافها= يوم إنقلاع الستر عن مضاوي
نطعن لعين اللي تهل دموعها=تبكي وفي تالي البكاء نخاوي
تقول يالظفران من عاداتكم = هوشوا عسى يبقالكم شلاوي
ونطعن لعين اللي تجر حنينها= عفراً تبى صيفية المطاوي
قلت ابشري بالفك ياحم الذرا= دام الطعن يفك والأهاوي
ترعابنا جرد الرقاب وتنثني= ماحدرت حسله ليا الحجناوي
والمدح لله ثم لنسل محصّن= عسى لهم عند الإله عراوي
كم طلّقوا من جادلٍ رعبوبه= جرت على مضنونها النعاوي
وذوي ثبيت أهل المناخ شيوخنا= هل العطف والمنزل المتساوي
سوّاقة المغتر على الحرّابه= يوم الحريب عن الحريب يلاوي
ياحايف الفنجان عدّه لمدّوخ= واثنه لأبن صلال والجلاوي
وانا زبون الحرد ابو ضيف الله = ليا كلّح الشارب عن الشفاوي
مايعذرب الرجال عدّ أفعاله= ولاني بجّماع الهروج هذاوي
وأنا أحمد الله يوم أنا من لابه= مهوب من قصّار البتوع شواوي

	والقصيده الاخيره من معلقّات قبيلة عتيبه حيث انك تجد حتّى الطفل الصغير يردّد ابيات هذه القصيده المفخره .

[frame="7 80"]سبحانك اللهم وبحمدك استغفرك اللهم واتوب اليك



والسلام عليكم ورحمة الله وبركاته