[ذياب بن غانم]

السيد "المراقب" ابن مشيب :
السلام عليكم ورحمة الله وبركاتة للمرة الثانية!

تقول : هذة اول مشاركة لك في المنتدى , وبالعادة عند العرب وعند القبائل ,
يطلب الرجل الترحيب من الموجودين ثم يشاركهم الحديث , وهذا عكس مافعلت.

يابن مشيب بالعادة عند العرب وعندالقبايل ان الرجل
اذا دخل مجلس رجال يسلم على الموجودين
ويردون التحية بأحسن منها , أليس كذلك؟
وأنا سلمت , لكن انت حتى الرد , مارديت ؟
وين العادات اللي تسولف عنها , ياراعي العادات عند العرب والقبايل!
اشوفك مسوي لنا محاضرة بعادات القبايل.

ثم أنا بحياتي ماشفت رجل او ضيف ,
دخل على ناس وقال لهم رحبوبي ؟؟؟

الظاهر انك ماتدري ان اللي يرحب ويهلي هو "المعزب"
اللي هو انت بما انك "مراقب" وراعي مكان!
مهو الضيف ... ياراعي السلوم والعادات عند العرب والقبايل؟

اذا شفت احد دخل مجلس وقال للجالسين "رحبوبي"
فـ هالتصرف ان دل على شي ؛ فيدل على انه انسان "غير سوي"!
والحمد للي أنعم علينا بعقولنا
ياالمعزب او المراقب .... ياراعي السلوم والعادات عند العرب والقبايل ...؟

تقول :
بالنسبه لتعليقك:

لايوجد به ماينفع , لانه من بنات افكارك فقط.

اولا ً هذا رأيك ... وانت حر فيه ..
يعني عادي مافي اشكال بيني وبينك

وعلى فكرة ؛ انا يوم كتبت ماانتظرت ان كلامي يعجب فلان وعلان!
من ضحك عليك وقالك هالكلام؟
أنا كتبت لأن فيه مغالطة جسيمة رأيت انه يجب علي تصحيحها.
لأنها تمسني شخصيا ً لذلك شفت انه من الواجب علي اني
اوضح واصحح الخطأ الجسيم!
اجل يقولون شيبان انقرضت , وهذولا هم مالين الديار؟

تقول :
السؤال هنا؟
بما انك تتكلم عن نسب شيبان بن وائل وتفصل القول فيه ,
وعلى حسب روايتك ان هذا له مئات السنين , ولم اقراء هذا
في كتاب قط على حسب روايتك , السؤال: كم تبلغ من العمر ,
وهل شاركت اؤلاك القوم في غزواتهم , وكم كان عمرك في ذلك الوقت؟
اخوي والله سؤالك مهو مفهوم ... ابدا ً.
بعدين ماقلت لنا هل شيبان عتيبة هي (من)شيبان وائل
وحالفت عتيبة او هم من عتيبة(هوازن) أصل ومنشأ ؟؟؟
مهو على شاني! على شان الاخوان اللي فاتحين ورادين
على الموضوع , وماافتحوه الا لأنهم يبون جواب على هالسؤال!
جميع المشاركين للحين ماهم متأكدين , أو جازمين بهذي أو ذيك!
وانت صاحب العلم الغزير علمهم .
اما أنا فاللي يهمني بالموضوع هو قول البعض :
(بأن بني شيبان بن بكر بن وائل اندثرت , ولم يعد لها وجود).لذلك "فـقط" شاركت!
وهالكلام طبعا ً مثل ماوضحت ؛ غير صحيح البته!!!!!!

اما قولك "ولم اقراء هذا
في كتاب قط على حسب روايتك".

ياعزيزي كونك تجهل أمر ما ...
تأكد تماما ً انها مشكلتك , انت بس!
ماهي مشكلتي .... ولاتخصني , فلاترمي بلاويك علي!
من قال لك ؛ اني أعمل في محو الأميه لكي أزيل جهل الآخرين ...!!
وبصراحة انت كلامك غير واضح المعالم ... يعني مادري وش تبي بالضبط؟
تقصد اني نسبت "الرولة" لشيبان بن وائل بالكذب والتخريف ... ماني فاهم؟

وانا كذاب والسبب :أنك ماقريت كلامي بكتاب ...؟
يرحم شيبانك , انا وش دخلني اذا انت ماتقرى ... !!
كلامي يستند للرواية الشفهيه عن النسابة هذا واحد .
بالأضافة الى كتب ... واذا تحب اسميها بأساميها ؛ أسميها!!!!

بس كلامك مهو مفهوم ولاادري وش تبي بالضبط!!!!!!
حدد النقطة اللي تبي وانا انسخ لك من كتاب نسخ!
واعطيك اسمه اذا تحب ..
بالاضافة لمعرفتي "العميقة" بأقوال النسابة والرواة من القبيلة
التي يستند عليها الكثير من الناس في معرفة تاريخ آبائهم واجدادهم
وأنسابهم "والناس أعلم بأنسابها"؟

وبعدين يالغالي .. انت تعرف نسبنا اكثر منـّـا , ولاّ كيف ....؟
لاحول ولاقوة الا بالله!

اتمنى لو كانت مشاركتي قيمة وعظيمة مثل مشاركتك
ولكن للأسف ... وشلون ناصل مواصيلك!

الناس تسأل : هل بني شيبان وائل هم الذين مع عتيبة
ام غيرهم ...؟

وانت ماشاالله عليك رديت الرد الوافي الكافي يوم قلت:
ترى فلاح اللي ساكن بـ ليبيا وحسين اللي بـ الأرطاوية .. مهم عتبان !
الله عليك وعلى مشاركتك اللي بالصميم!

قسم برب السما , محيي العظام!
انك تبي ترد على موضوع ثاني
بس وش جابك هنا , مدري ..؟؟؟؟

تقول في مشاركتك العظيمة : , كما يحصل كثيراً بين تشابه
اسم في قبيله وقبيله اخرى , مثل سبيع الخرمة , وسبيع عنزة.

عزيزي لايوجد في أي قبيلة من قبائل "عنزة" شيء اسمه :"سبيع".
يوجدون فقط في مخيلتك!
يغالطنا بتاريخنا ويقول انـّـا نكذب ونألف تأليف!

ثم يألف علينا ويجيب أسامي من عنده!
أظنّك تقصد بكلامك "السبعة" والنسبه اليهم "سبيعي".
السبعة شيء وسبيع شيء ... السبعة السبعة مهو "سبيع"!!

أعتقد انه من الواضح أن الأسمين مختلفان ... ؟
التشابة عند النسبه فقط!
وليس في الاسم كما زعمت!

أما عن كوني حضرت هالسوالف ؛ فـنعم حضرتها كما حضر
الأخوان هنا تركي بن حميد , وبني هلال , والمثنى بن حارثة
"وعلى حسب روايتهم ان هذا له مئات السنين" .وتكلموا عنهم ,
وفصلوا في تاريخهم ؛ مثل مافصلت انا في "تاريخنا" تاريخ ربعي!.
المحفوظ في ذاكرة الرواة , والمدون بالكتب!
وين الغلط ..؟

فالقراءة من بطون "الكتب" تزيد عمر الانسان
تزيده كما ً لا كيفا , تزيده عمقا ً وخبرة ؛
لا حسابا ً وأرقاما ً ..!!
بهذا قالت واتفقت الفلاسفة ...

أما عمري الذي تسأل عنه فعمري سبعة الاف سنة
فقد قرأت عن بابل وسومر وأكد وهيلاس!
هذا عمري على ذمتهم!
ولا أضع في ذمتي شيئا ً !

|4|

ان أردت أن تسأل عن أي شيء مما قلته في ردي "الاول"
فأسأل أسئلة محددة وواضحة , وسأجيبك عنها
بكل أريحية , وسعة صدر , ولكن تجنب اسلوب السخرية

لسنين سخرت قريش من محمد عليه السلام ,
لكلام أتى به : "لم يفهموه" ولم "يقرأوا" عنه!!
ولكنهم كانوا على باطل , وكان على الحق .
أعماهم الجهل والكبرياء الزائف الذي أعماك ...

فأتعظ من قراءة التاريخ فهو يزيد العمر
وأقرأ حتى تصبح بعمر محدثك!
تعلـّـم , زد عمرك يابن مشيب لتصبح كهلا ً حكيما ً
بعيدا ً عن رعونة "المراهقة"!!

في النهاية اتمنى عليك , بردك القادم ان تشتمني "قدر استطاعتك"!.
تأكد أنه لاتوجد عندي اي مشكله ... اطلاقا ً .
لكن لاتقول " تـكـذب " !

قل كلامك خطأ كلام عوام والصح كيت وكيت .. واقنعني , أو أقنعك , أو نختلف .. عادي!
رحم الله محمد بن ادريس الشافعي كان يقول : الا يمكن أن نختلف في المسألة ونبقى أخوة!
وكان الأمام يخالف خصمه بأمور الدين والفقة , وليس في تاريخنا "نحن" ؛ تاريخ بني وائل!

عموما ً سواء كان كلامي صح أو خطأ "كما تزعم" .. لايهم
فأنا مؤمن تماما ً بقول جبران :
اليد التي تصنع أكاليل الشوك خير من اليد التي "لا تـعـمـل"!

على فكرة اذا حب الواحد يمشي من مكان أو مجلس وش يقول ياعمي الشيخ؟
طبعا ً على حسب عاداتك , ياراعي العادات عند العرب والقبايل!
لاترحبون بي ... مثلا ً ؟؟؟؟

اللهم لاتكلنا على عقولنا


ذياب بن غانم ,,,,