[هلال الدوادمي]

قال منه بدع ألاشعار كيفٍ له=من جزيله ينتقي ويترك هزاله
قدح راسه لاطراله على حله=كل بحرٍ ياطـــواريق يهــــــاله
حرفه ومعناه وزنه وطرقٍ له=عنده أهون من شروبه لفنجاله
واثقٍ ولا خلـط وكــده وزلــه=لاهرج به كل من سمعه أصغى له
أحتكم هاجوس فكره وخيلَــه=أن جلس وأن قام وأقفاه وأقباله
يوم حده قاسي الوقت وأحتله=يا دقاق أظروف الايام وأجلاله
أحتمل في كايد ألحمل ثم شله=ظرفه وممشاه والدرب وأحواله
هيضه له هاجسٍ كنه ألملــــه=من طوارٍ داخل الفكر مجتاله
أشهدٍ أنها تكبد ألرجل وأتغله=عند قاماته وحله وترحال
شوف دنياً فيها أللاوضاع مفتله=شوفها ميالةٍ عقب مياله
من جعلها غفلةٍ له وهمٍ له=يذكر أنها نزل وألصبح رحاله
ويذكر انها لو تسيبه وتمهلَه=أنها مع غفلته فيه محتاله
والبشر فيها العدل والميل كله=ما تخلي لادمي لو هوبحاله
فمن غدة سودالهقاوي سبيلٍ له=عيشته ضنكه ولافالي بفاله
ومن جعل عدو ربعه خليلٍ له=ماعرف قدره ولاشاف منزاله
ومن بغى الابعاد جعله طريقٍ له=بتركه عني وأباالقا لي أبداله
ومن صفى قلبه معي سرت جنبٍ له=ومن شرى قربي فشاريه وأمثاله
مثل ما يعمل مع الناس يعملَه=الجزا من جنس فعله ويجزاله
كل ذي حقٍ عطه حق وأفطن له =دينك وماجوب وجهك ومعداله
فاالطبايع وألموازين مختلَه=والسلوم أحدور في أسؤ الحاله
مجلس الرجال جا ناسٍ أتمله=راحو أكباره ولاعادله قاله
سابو أبريق القهاوي مع الدله=وراح راع الفعل ثم هجرة أدلاله
وأنحنو في الأستراحات والشله =وبينهم تعفرة ابليس وأعياله
جلسة ألبيلوت وألقيم وألعله=وألملاقا في مواعيد جماله
وأحدٍ له ملةٍ واليشر مله=ولو تناضر قيل لك مالك وأماله
أيتصفح بالرسايل وايميلٍ له=وعاشقٍ مسك الزوايا بجواله
من تعدى الحد بيسير ضدٍ له=ومن تغير سيرته كلاً أيخا له
قالو أصبر قلت ياهيه لابلَه=مانفعني قاصرالهرج وأطواله
المعزم دايم السير طربٍ له=كم تمنى الأدمي شي ما ناله
وألدروب مفتَحه والفضل لله=ومن يزين الحظ له ياهنياله
باتت النيه على الشاص با تله=وأخذ الدرب الشمالي وكيَاله
التوانك فل ومشيكه كله=للدروب مجهزه راعي القاله
علَم أمبيره ( Kmh ) تيمٍ له=وشوف صلف الريح تلعب بتمثاله
الثريا وألمجلان بدرجٍ له=للوازم كلها ذا له وذا له
الشريق ايتل وألذود منصاًله=من ورى لينه بغى القرم مقياله
هي دوا روحٍ من الضيق منسله=وضيقة الرجال في الدار قتاله
أشهدٍ القلب طرباته أدواًً له=وأشهدٍ الضيق همه وغرباله
وأشهدٍ ممشى البراري هوالفله=وأعزتي لمهمل البر عزاله
وخوتك لسنافيٍ ينتدورله=الرفيق اللي لكلش تمزهاله
أن تكلم في أحكاه الله أيدله=وعلى نفسه عانه الله مع أقواله
كل ماجيت أحترك قال لي لله=ما تشيل أخفيََف الحمل وأثقاله

منقوووووووووووووووول