اتمنى ان تشفعلي بعد الغياب
ويعلم الله أن لكم وحشه
يالونش أنا للشعر عندي مشابيك=ولا أصيد غير اللي للأجوال قايد
شرّد وحوشٍ ماتجيها طواريك=أما تجي بالطيب وإلا المكايد
أعسف بيوت الشعر من دون تشكيك=ولاني من اللي يسرقون الجرايد
وإليا عسفته صار هرجٍ يسليك=بنات فكري عشقها للفرايد
لكن مقدر ظلم نفسي وانا أخيك=عفت الكلام وعفت نظم القصايد
وين الذي عن قصته كنت أحاكيك=اللي بقربه تستجد الجدايد
اللي على شانه نحل الشرابيك=ومن عقب فقده والمشاعر بلايد
دربٍ مشيته ساقني للتهاليك=حتى أني أنشد ليه سووا وسايد
وأنته مع العشاق تقضي لياليك=أما تصيد الخرب والا الطرايد
فالبرد نارك والمذاري تدفيك=تحفظ وصاةٍ كلبوها فوايد
وفالصيف تسهر مع نسيم الشبابيك=وبينك وبين الليل سلم وعوايد
يجيك لين أنه يجي في حراويك=وألا تجيه تقلده بالقلايد
منته بمثلي طاري البعد طاويك=فالعيد تاصلك طرود المعايد