[يوسف السليس]

[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
ياكاتب اكتب في الورق وافهم افهام = سجل على بيض الصحايف قلمها
انسخ على سطر الورق روس الاقلام = فن الكتابه رابحٍ من فهمها
املي علاك القول يوم انت علام = ابيات من صدر العتيبي نضمها
وانا على رد التماثيل مهمام = واختار من زين المثايل حكمها
فكرت في الدنيا على ممشا الاعوام = واشوف ناسٍ غير الله قيمها
ضاعت مكارمهم ودور الحسد قام = حل بمحل امجادهم واستلمها
بين الرفاقه صار واشي ونمام = بالكذب في عرض المقفي رقمها
بليا مبرر بس تشكيك وأوهام = كلاً على الثاني شكوكه وهمهما
والبغض حل وفرق اخوان واعمام = وكلاً زعل واقفى ودينه قسمها
غرتهم الدنيا وتظليل الاسلام = وكلاً طلع عنتر ونفسه زعمها
زاد الامان وزادتوفير الانعام = وكلاً يقول الناس مابغى كرمها
عنده فلوس ولاوصل وصل الارحام = والنفس عن دروب الخطا ماعصمها
فالبيت شغاله وفالمال خدام = ولاعاد تعرف سيدها من خدمها
لاتسحبن الوقت لك بالرخى دام = منته دايمٍ عايشٍ في نعمها
دنياك مادامت لكسرى والاروام = اخذت سلاطين العرب مع عجمها
ياغافل افطن كم فني قدمك اقوام = هدام لذات الخلايق هدمها
قفت صنعا بينهم على ممش الايام = ورجلك على الساقه مشابك قدمها
يجي نهارٍ فيه تلتف بحرام = وتفارق الدنيا ولذة طعمها
وقسمك من الدنيا ثمان أذرع الخام = ولك حسبة من خالقك تستلمها
اليا نفخ في الصور يصحون الانيام = وتنشز عظامك من عقب يبلا لحمها
وعلى صراط الحق تمشي بالاقدام = وان فزت ولا الهاويه تقتحمها
الرب مايظلمك مارانت ظلام = العبد نفسه بالخطيا ظلمها
ويفوز من صلى التهجد ومن صام = وأقبل على ربه ونفسه رحمها
هذي نصيحه كان للنصح فهام = مادام قدمك فرصة تغتنمها
وصلوا على خير البشر خير الانام = اللي نشر دينه ورفرف علمها

[/poet]

احد قصائد الوالد رحمه الله
امل ان تحوز على رضاكم
اخوكم / يوسف السليس