قصيدة للشاعر الكسر
يوم عيني خايلت براق خده = والمنايا يوم سلهم فالمحاجر
لاتعد الكسر عقبه لاتعده= راح مرواح البصيص عند فاجر
جادلن سلك البريسم دق قده= لاتمايل قلت غصن جال حاجر
شبه وضحا رعوجت يم الموده = يوم صاح لها على ملي الحناجر
النحر مليان والمثناه نده= والنهد رمانتن في غصن شاجر
والجديل يطير واليسرى ترده = كل ماهب الهوى قام يتشاجر
كل ماأومت في دجى المجدول يده = لاح في ليل الشعر برق البناجر
وانا مالي قوتن عن صد وده= وياعسى من صد وده مايواجر
وربي اللي يامر الشر ويضده = لين لاح الصبح في جنح الدياجر
وانا عنده شاكين لوع الموده = ولا لعيني عن هليل الدمع زاجر
اتوددله واشكوي له مصده = لاتهاجر ياعذابي لاتهاجر
لين جاني وارتخا من عقب شده = ثم سقاني من ثناياه السناجر
كن طعم الريق من ثغرن يمده = في لساني مثل خجات الخناجر
وسلامتكم