ˆ~*¤®§(*§ الصمت حكمة §*)§®¤*~ˆ°
الصمت حكمه وأكثرالصمت تحطيـم"="للمعنـويـه عـنـد راع الـمــوده
أليا صبر صبراً تعـداء عـن التيـم"="جـر الونيـن وبيّـح القلـب ســده
يقولـه اللـي راضـيٍٍ بالمقاسـيـم"="اللي نصيبه فالهـوى صـار ضـده
ياماصبرت وزاد صبـري وأناهيـم"="في حب حيٍ وصـل الصبـر حـده
صبر ورجا ليـن أغتـرن المجاهيـم"="على أختـلاف اليـوم بكـره لابـده
الى متـى ؟ياشاكـي الهـم والضيـم"="تشكي على اللي عبرتـه فـوق خـده
والى متى وأنته علـى السيـن والجيـم"="وعـد وبـعـد ياتـأخـذه يـاتـرده
والى متى والوصل صـوت وترانيـم"="حلـمٍ مابيـن أثنيـن مزحـه وجـده
والى متى تشكـي مها غيّـرت الريـم"="وتشكـي جــروحٍ فالحشامستـبـده
والى متى يحجب شعـاع الضحاالغيـم"="وموج البحرفي حـال جـزره ومـده
والى متى؟والوقـت رحـال ومقـيـم"="واللى متـى ؟غربـه وكربـه وشـده
أسأل وأجـاوب والهمـوم المراكيـم"="تجرح شعور النّـد فـي وجـه نـده
يامعشـر العشـاق نصـر المظاليـم"="مطلوب منك أن كان حظرتـك قـده
ولولا التخالـف فالنظـر والمفاهيـم"="ماتـت خلايـا المـخ فـوق المخـده
وزرع الهوى زرع أعفّري في رجاالديم"="وأن ماسـقـاه الـديـم لا لا تـعـده
ˆ~*¤®§(*§ مهما يجيك من الردى§*)§®¤*~ˆ°
مهما يجيك أمـن الردى مـن رفيقـك"="حاول تغاضى والردى لايجـي منـك
ترى رفيقك لـو وقـف فـي طريقـك"="مثل الرصيد أن زاد وأن قّـل بالبنـك
وأعرف عدوك قبل تعـرف صديقـك"="ومن مايحس أبضيقتـك مادرى عنـك
ولاتيّدالمخـطـي لـو أنـه شقيـقـك"="وش عذرك من اللي على أيسرك ويمنك
ˆ~*¤®§(*§ كانوا يشترون النصايح §*)§®¤*~ˆ°
لولا الخطا محدن عرف قيمة الصح=ولولا الصحيح يصح جات الفضايح
شي طبيعي يـوم نـنـصح ونـنـْصح=النـاس كـانـو يـشـتـرون الـنـصـايح
ياجاهلٍ في الوقت تـسـرح وتـمرح=تــرى الـحـيـاه الــهــا نـظـام ولـوايح
وأن كان ماتبغى كـلامـي هذا رح=واشـره عـلى اللي قال وين أنت رايح
ˆ~*¤®§(*§ لو تمشي العرج§*)§®¤*~ˆ°
ياهل الـهـروج الـعـرج لو تمشي العرج=خـطـوه وراء عـن خـطـوةً للأمامي
الصمت في بعض المجالس عن الهرج=يسوى مائة كلمه من أغلى الكلامي
ولـو كـل تـاجر في البـشر يفتح الدرج=مـا صـار لـلـتـجـار غـيـر الاســامي
وراع الـحـصـان اللي يعنّه بـلا سرج=لـو يـشـعـل الـنـيـران بـرد وسلامي
ˆ~*¤®§(*§ التجارب راس مال §*)§®¤*~ˆ°
التجارب راس مال المجرب يامعيض=ان سألت اسأل مجرب ولا تسأل طبيب
مايرى الصحة على اللي صحيح الا المريض=والصحيح يقول للي مريض: (أبشر تطيب)
والمريض اللي دموعه من اسقامه تفيض=مايهمه حال غيره عدو والا صحيب
والقناعة كنز والعلم بحرٍ مايغيض=والجهل يفرض على الرجل يخطي مايصيب
والمراجل صيد..والصيد حظك ياحظيظ=يالله اجعل لي مع اهل الوفا حظ ونصيب
والحياة احلام ليلٍ مثل زرع المقيظ=لاغريب يعيش فيها من العالم غريب
والليال السود فيها ثلاث اليال بيض=لاتروح بعيد يالمنتظر خلك قريب
الشقا دربه طويلٍ على العابر... عريض=وين تلقى صبحٍ ابلج وشمسٍ ماتغيب
انت مهما اسرعت في الوقت لابدك تريض=اي نعم..لابد لك لو بعد راسك يشيب
لاتراقب نجمةٍ في سماك الها وميض=انت قصدك ظن والظن (فيما لا) يخيب
ˆ~*¤®§(*§ الخنجر §*)§®¤*~ˆ°
الخنجر اللي في يدي وبكل اسف تطعن يـدي=لابـارك الله فـي صناعتـهـا ولاصناعـهـا
ماجابها غير النصيب الشين والحـض الـردي=واللـي عليـه سلهـا واللـي عليـه باعـهـا
مافيهم اللي حاضـرٍ قبلـي بلاشـك ابعـدي=ماحضروا الا الدبدبه بعـد استـوى مرباعهـا
ياللي تشوف سهيل نصف الليل واتشوف الجدي=عدالنجـوم الساريـه بشكالـهـا وانواعـهـا
واخذالحذرمن صاحبـك قبـل العدوالمعتـدي=كـم فزعـةٍ ترجـع نتايجهـا علـى فزاعهـا
والياقريت الجمله اللي ناقصه حـرف ابجـدي=لاتعرب المضمون واظروف الثقافـه راعهـا
من لايعرف الدرب سابق عرف مضمون ايغدي=مثـل السفينـه فالبحربعـد يطيـح اشراعهـا
ياللـي مـاودك تقتـدي ماهمـنـا لاتقـتـدي=حنـا نعـرف ادروبنـا واديارنـا واسباعهـا
ان رحت عناتقصر الخطوه ولن جيت اتعـدي=والياهرجت الناس عن هرجك تصك اسماعهـا
اخذالنصيحه يا اجودي وان كان منته بااجودي=انصافهـا بانصافهـا وارباعـهـا بارباعـهـا
والي اللقاْ على الشقا دام الشقـا حبلـه مـدي=سود الليال اتطوع اللي كـم سهـر ماطاعهـا
ˆ~*¤®§(*§ الوجود §*)§®¤*~ˆ°
الوجود اللي وجوده من غيابه=والغياب اللي غيابه من وجوده
بينهن فارق وفالمعنى تشابه=مثل مضمون الحراره والبروده
ياخيالٍ ضوح برقه في سحابه= مادرج سيله ولاتسمع رعوده
لاغريب ولاعجيب ولاغرابه=فالخيال اللي من الواقع شهوده
ان هجرت الصمت جيت اطق بابه=وان بغيت الصمت ماسكن في حدوده
مابقي فالوقت شي احسب حسابه=استوى فاللي بقي نقصه وزوده
انقلع ضرس البعيروطاح نابه=والغشيم اللي يسوقه مايقوده
واستوى المسحوب غني ياربابه=المحب امن الهوى يصفق خدوده
كان منت ابذئب تاكلك الذيابه=قالها اللي قالها ياسعيدجوده
واعذاب اللي يفكر واعذابه=فالزمان اللي يوقفله جنوده
كل يوم ايقص الاطول من ثيابه=لوتعزوى بالثلاثه من جدوده
مابقي للصبر قدر ولاماهابه=والتسامح من يمره مايعوده
والحيا يفرض على الطيب رقابه=والردي قل الحيا يطلق قيوده
والشجيع الياغضب يفقدصوابه=والكريم ايجودمايعلن بجوده
ˆ~*¤®§(*§ الدهر غدّار §*)§®¤*~ˆ°
أستحيت من الدهرلشكي ظروفـه"="والدهر غدار ماقّـدر ظروفـي
ماعلى الدنيـا ومافيـه حسوفـه"="الحسوفه يوم منهـا زاد خوفـي
مايحّد الرجل لين يزيـد خوفـه"="غير هـمٍٍ لايشـاف ولايشوفـي
أه من هـمٍٍ عيونـي ماتشوفـه"="من زمانن ساكنن في وسط جوفي
أن جزاني خيرماشفـة معروفـه"="وأن جزيته خير ماشاف معروفي
كل ماوقـف وجردلـي سيوفـه"="قمت في وجهه وسليت السيوفـي
وأعتبرت المره الأولى بروفـه"="مير جات الثانيه عميا الوصوفي
لابها رحمـه ولافيهـا مروفـه"="ياكريم بحالت المسلـم تروفـي
مسلمٍِ يكتب من السنـه حروفـه"="ماأقتداء باللي يعكسون الحروفي
ˆ~*¤®§(*§ الخــطيّة §*)§®¤*~ˆ°
سامح الله من قصدني واعتمدني بالخطيـه=من قريبين الجدود ومن بعيدين الجـدودي
دايـمٍ مايفلـح اللـي غيّـر النيـه بنيـه=-والخطيه كان ماتنقـص تراهـا ماتـزودي
خابر انك ماتـروح بعيـد يـاراع الرديـه=لو مشيت (2000) كيلو ماتعديك الحدودي
انـت طرقـيٍ معنّـى لاشـداد ولا مطيـه=لا انت فتال العقود ولا انت حلال العقـودي
لو تحّزم بالرصاص ولـو نقلـت البندقيـه=الرصاص يذل والبندق تذل مع الشـرودي
هبّ وانا راعـي العشـوا وخيّـال العبيـه=كيف يارخو العضود تضد مفتول العضودي
والله انـي لا كليـل ولاذليـل ولاعلـيـه=مير احسب لي علومٍ مابقي منها وجـودي
احسب حساب الرفاقه والمـروه والحميـه=حشمة للطيبين اللـي بعضهـم فاللحـودي
نظرتي فالطيبيـن ونظـرة الحسـاد فيـه=كلها نظرة حسد والعود في عين الحسودي
والله اني ما ادعيت بحجّـةٍ ماهيـب ليـه=حجتي ما تنجحد واللي جحدها من شهودي
خافوا الله يالقضاه اللي تعرفـون القضيـه=الصحيح يسود والباطل مصيره مايسـودي
لامطالبكـم بديـن وذمتـي منكـم بريـه=مابقي غير العلوم اللي يبيحـن السـدودي
بيّنٍ عيد رمضـان وبيّـنٍ عيـد الضحيـه=ياعسى الاول يعود وياعسى الثاني يعودي
ياقطن جاتك مزوّعةٍ مـن الحـرّه طميـه=مستخفّه عقب كانت لارمـوح ولاهبـودي
ساقها عشق الجنون وساعدتها الجاذبيـه=لين عدتها الجبال المستطيلـه والنفـودي
معجزه في عصرنا الحاضر وعصر الجاهليه=الهوى صاب الحجر مابه قلوب ولا كبودي
وين قيس بن الملوح وين ليلى العامريـه=كيف ماينصفهم اللي ينصف ديانا ودودي!!
والعزا فيما بقى واللـي بقـا فيـه البقيـه=مرة الايام بيـض ومـرت الايـام سـودي
يالله اجعـل خاتمتنـا بالسـلام وبالتحيـه=ونتوفى محرمين وفي حرم ربي سجـودي
ˆ~*¤®§(*§ انا هواوي §*)§®¤*~ˆ°
هبت هبوب أهل الهوى والهوى صلف"="وأنا هواوي والهوى نصف دمـي
بيني وبينه صلب مابيننـا حلـف"="أصل وفصل من راس خالي وعمي
أنا هوى بالي ثلاثٍ مـن الألـف"="ثـلاثٍ أسماهـين تكيـد المسمـي
وباقي الهوى طفته وعني قعد خلـف"="لانيـب لايمـه ولاهـوب يمـي
وأنا ليا أدركت الثلاث التسع زلف"="والسبع والتسعيـن ماهيـب همـي
وضربٍ بحد السيف ومذرب الشلف"="أهون على مـن مطلـبٍ مايتمـي
عنـدي كرامة نفـس والفتها ولـف"="أحبهـا حبـي لبـويـه ولـ امـي
أحيا وأموت بطيّب الصيت والسلف"="ولا نظرت أبنظرتي تحـت كمـي
قــصــائد متميّزة
بأفكار مبتكرة |
ˆ~*¤®§(*§النت وfm و mbc §*)§®¤*~ˆ°
الايالغـرام اللـي بدايتـك كايـن حـي=نهايتـك كايـن حـي كالمبـتـدى والا
سكنت القلوب العاشقه منت ساكن حـي=وياماويامـا مـن سبايـبـك كــم والا
نهايتـك شمـسٍ حارقـه ماتحتهـافـي=ولالك من الوافيـن صاحـب ولاخـلا
اخاطبك من مبدى جـروحٍ تبقـت فـي=وعذابٍ على دروبـك مابقـى ولاخـلا
وانـا والله انـي لابخيـلٍ ولالاشــي=معاش الذي يقضي مدى العمـر ماهـلا
لاكن انت دايم كـل مشيـك ولالاشـي=هـلالٍ عليـك ايهـل واهـلال ماهـلا
كشفناك عبر النت وfm وام بـي سـي=وصبرنا عليـك وصبرنـا المنتظركـلا
هذا الشكل والمضمون لاكن وضعك سي=ماتنفـع معـك حاشـا ولـو اختهاكـلا
قبـل لاتهياياغرامـي لنفـسـك هــي=منـاخٍ ملايـم فيـه تسكـن وتتـسـلا
بدايتك كايـن حـي وانهايتـك لوهـي=كما ابدايتـك تصقـل سيوفـك وتتسـلا
ˆ~*¤®§(*§ سين + شين §*)§®¤*~ˆ°
سوق السوم للسوم والساس الفلـوس=شوف المشترى ويش واشتربالقروش
سلم واستلم سلم والسلـم امحـروس=شرط المشتري ماش به شي امغشوش
سافـر والسفرسراساسـي للنفـوس=شرف بالمشاريف واتشوف الوحـوش
سرالسبت بالسبت سابق وامغـروس=شرللبشرشايلـه شــارون بــوش
سـار السووالسـو سنّـه للمجـوس=شكله بشع والبشع تشغيـل الخـدوش
سداستارة الساده السايـس يسـوس=شرٍللشريريـن حــواشٍ يـحـوش
سوسٍ للسنون افترس واخس سـوس=شئيٍ شيب الشاب تشييـب الرمـوش
ساد الروس رئيس وراسه مايـروس=شيشاني تشيكـي تشابـه بالدشـوش
سيف السم بالسم سامك وامغمـوس=شررشذرته شارب الشرب الدهـوش
ساعه بالسنه سببـت اسواضـروس=شرقٍ شب شعله وغاش الشرق غوش
سور السجن دنّـس اسيرٍوامحبـوس=شوه شكل الاشبـال نقـاش النقـوش
سبارالسخافـه وتفسيـخ اللـبـوس=شتمٍ للشرف والشرف شيخ امخـدوش
ساهـم يامساهـم بتسييرالهـجـوس=شاعـر ماشعـر لاينـاش ولاينـوش
سالي بالمجالـس وساحتنـا عبـوس=شاب الشوق والشاب ماحمش يهوش
سميت الاسامـي وسميـت العـروس=شفـي يالنشام اتمشـون الجـيـوش
ˆ~*¤®§(*§ شاعر ولاعندي طموح §*)§®¤*~ˆ°
بعض الجروح الها مكانه فالجروح=الها مكانه تنفردعن غيرها
تثبت مكانتهاتجي والاتروح=وتبقى مواجعها مدى تاثيرها
وجه الشبه فالجد واردفالمزوح=والبعديجعلها تواصل سيرها
هذا واناشاعر ولاعندي طموح=ازيدبعض الشي من تقديرها
الصمت حكمه والسرايرماتبوح=كم خيرةٍ للنفس من تاخيرها
تنوح ياورق الحمام اوماتنوح=السدره الخضراءيغردطيرها
وان كان انا عندي غموض ابلاوضوح=بعض الصراحه غامضٍ تبريرها
كم عاش نوح وكم هلك من قوم نوح=احداث والله والياُ تدبيرها
والاادمي مخلوق جسم وفيه روح=احيان تكسب شرها من خيرها
دام الحياه احلام وابروقٍ تلوح=يامفسر الاحلام وش تفسيرها
ˆ~*¤®§(*§ ادد + دود §*)§®¤*~ˆ°
ضيف الله اخترت القوافي والطواريق الجدد..حي الجدد=اللي سريعه فالندب واللي بطيه فالردود..عندالردود
اسرع ندب من صنعة البلجيك سمحات الخدد..شقر الخدد=واثقل من احمول البواخر بالكناتر والشدود..تول الشدود
يقراهن الشاعرويحفظهن خياله بالعدد..حفظ العدد=حرفٍ بحرف وكل حرف الياوردحرف امعدود..واناامعدود
الساس ساس المعرفه والبني اخير امن الهدد..مابغى الهدد=ابني على المبني بني وابني من البني امهدود..غيرامهدود
مثل الجسوراللي مصممةٍ على وزن القدد..حسب القدد=اومثل طيٍ بالحجرتطوابه اعماق العدود..طي العدود
مااطلب من الناس المدداطلب من الرب المدد..نعم المدد=مدالكريم اخير وابرك من جزيلات المدود ..كل المدود
والياعطايعطي ولايرجي من الناس الردد..لوالردد=جزلٍ ثمين الفضل والعرفان للرب الودود..نعم الودود
عساعيون الحاسدين اللي تناظرباللدد..عمى اللدد=حتى يعودشوفهابين المدامع والخدود..فوق الخدود
عزالله انا ماتوايقنا على سدالسدد..سدالسدد=تبقى السراير بالضماير لو يبيحن السدود..ياهل السدود
كنامنول ننطق الغده على جمع الغدد..واثرالغدد=ماتتفق مع قولة افلان اصبح اليوم امغدود..ويش امغدود؟!
وكنا نقول افلان وابن افلان فاللازم سدد..نعم سدد=واثرماكل اللي بدا في لازمٍ يحسب سدود..الاسدود
لاهنت ياعون الرفيق الند الامثل للندد..ند الندد=رمزالكرم منصى الرجال وضدلخصم اللدود..ضداللدود
ياعزوتي فالماقف اللي فيه ضدامن الضدد..ضدالضدد=يتاج راسي ياحزامي من على عهدالجدود..نعم الجدود
يامجرب الايام انامثلك وفي هذاالصدد..هذاالصدد=يامابذلنافيه من جهدٍ يعدينا الحدود..ورى الحدود
ناطاعلى روس الافاعي والشكاعي والكدد..شوك الكدد=والله ولاقرطوع بعد اسبوع من ديس الكدود..قشرى الكدود
نطرح بددنجمع بددماتجتمع كل البدد..كثرالبدد=خلاالبدد تطلع بدد زايد بدد كم البدود..عدالبدود
ومن لانفع وقت الرخامافادفي وقت الشدد..وقت الشدد=مايصبرالاكل رجالٍ على الشده شدود..عزمه شدود
ومن يزرع المعروف اخير امن اللذي يزرع فدد..يحصدفدد=ولاخير فاللي مع بني عمه عن الواجب صدود..ماله صدود
وان كان للحر الندواي وقت وايسمى هدد..قالوهدد=مال الندواي قدوالا ند من بدالندود..مهماالندود
والله يود الخيرللي عنده لغيره ودد..عنده دد=والله يضداللي مع المخطي على ربعه ضدود..دايم ضدود
والقاف تم اللي بنيت ابدايته على ادد..مبداه ادد=وانهايته وانهاية ابن ادم سوى واالفظ دود..فالقبر دود
الــقصائـــد الــــوطنــيـة |
ˆ~*¤®§(*§ للدار عز وعزته بالرياجيل §*)§®¤*~ˆ°
للدار عز.... وعزته بالرياجيل=وللمجد شخصية .. وللحكم... هيبه
وللسيف دور وللسياسه مكاييل=وللعقل حكمه في الظروف العصيبه
وللشرع عن غيره مكانه وتفضيل=من لااتخذ غيره ذريعه.. رضيبه
هذا هو الموجز... واجيب التفاصيل=في كل شطر ابداه.. ولا انتهيبه
هذي صفات اهل الصفه والمفاعيل=وارض حوت بيتين مكه وطيبه
ارضٍ حموها بالسيوف.. المصاقيل=اخوان نوره.. فالليال الصعيبه
امثبتين الملك.... جيلٍ بعد... جيل=وتاريخهم جيلٍ.. لجيل... يحكيبه
سلايل اللي يتعب الجيش والخيل=عبدالعزيز ابن الاصول العريبه
ياقف له التاريخ... قدرا.. وتبجيل=واليا انتهى به ماقفٍ... يبتديبه
واجبال نجد الراسية... والغراميل=وارض وطاه وكل عيطا رقيبه
والسيف ابو حدين والخيل والليل=والسرج والصهوة وكور النجيبه
تشهد وتشهد له رياض ومداهيل=ويوم عبوس وليل... ماينسريبه
اقبل معزي.... والمنايا مقابيل=على عدوا جاه... واشيب.... شيبه
حاضر بحاضر ماحصل فيه تاجيل=الفعل حاسم والمضارب عطيبه
برق المصقل في رعود المقاتيل=رد البرى بين الحريب وحريبه
ونادى المنادي وانصتوا له مذاهيل=الحكم لله ثم للي حضيبه
وردوا بتكبيرن وردوا بتهليل=وسمعا وطاعه والمشاعر رهيبه
وزال العسام وهل وبل هماليل=يسقي الديار الممحله والعشيبه
رحمة من الرحمن سيل بعد سيل=مافيه دارٍ مايسيل شعيبه
والناس عقب المر شربوا تهاليل=وكل ينام ومرقده يهتنيبه
يامنزل القرآن وكتاب الانجيل=ياسامع الداعي ويامستجيبه
تجعل لبو تركي مقام ومنازيل=في جنة الفردوس يالله تثيبه
وتحفظ لنا اللي عدلهم يعدل الميل=اعياله اللي طيبهم زاد طيبه
في راي ابوفيصل ولافيه تبديل=تخضع عدانا بالرضا والغصيبه
الحاكم اللي ماتحله حلاحيل=من هيبته كل الحلاحيل اديبه
تخضع له العالم وترسى الاساطيل=وعلى العدا يوم اللقا يندعيبه
للضد ضد ويثني المد والكيل=ولا احدٍ يضده ضد مايلتجيبه
محدٍ على رايه لقاله مداخيل=الراي رايه والعرب تقتديبه
هذا وابا استشهد بكلمه من القيل=كلمة زعيم كلنا نعتزيبه
شرب المصايب مثل شرب الفناجيل=كفو يبو فيصل ولاهي غريبه
قول وفعل ماهيب خدعة وتمثيل=ندري ولابه عالمٍ مادريبه
يابو الوطن واهله وغيث المقاليل=حفظك من لاتعلم الناس غيبه
واطال عمرك يابعيد المناويل=انته محب الشعب وانته حبيبه
وولي عهدك للصعيبات حلحيل=بلسم دوا جرح الحياه وطبيبه
شر على سود القلوب المعاليل=وخيرٍ على شعب البلاد الرحيبه
وافي ولله الوفا والتكاميل=نعم العضيد النايب اللي تنيبه
وشعبك شرب حبك ولو يشرب النيل=حبك يذيب الما ولا الما يذيبه
ولو الليالي بالمشاكل محاميل=الشعب وافي والروابط صليبه
واللي يخون العهد من غير تاويل=ماهوب زايد صفنا وش نبيبه
اكبر عدو كنا نعده اسرائيل=وجتنا سرائيلٍ هنيا قريبه
شرذمةٍ تسعى بفتنة وتضليل=وتدفع على الفتنه جثثها ضريبه
ياقاتلٍ نفسك نهايتك في ويل=مافي هذا شكه ولا فيه ريبه
ان كنت لاتعلم مصيبتك بالحيل=وان كنت تعلمها فتلك المصيبه
والله عجايب هالزمان وتهاويل=وش رايكم ياهل العقول اللبيبه
مايصلح العقال غير الجهاهيل=اجل على الدنيا نحط النصيبه
يامدع الاصلاح وتحط وتشيل=وانته من الراعه ضلوعك حطيبه
لامصلحٍ نفسك ولا من محاصيل=خايب وظنك خاب والراي خيبه
لاجي منافق تدعي بالاباطيل=وتشوه الاسلام يامفتريبه
لعل مالك من مراحك تساهيل=ياللي لجيت مع الوجيه الغضيبه
جعله مراح الفيل واللي على الفيل=لا ردك الله من هذيك المغيبه
خادم يهود وتشتغل بالمراسيل=حمال للاسفار وده وجيبه
ماتعلم انك في مهونة وتذليل=ايّات دين ومذهبٍ تدعيبه
الدين واضح مثل نور القناديل=ولاانته بمفتلّه ولا انته خطيبه
اتكفر العالم بليا دواليل=وتسعى لقتل المسلم وتستنيبه
وتضحك على بعض الضعوف المهابيل=وتزجهم مثل الحطب في لهيبه
واصحابك اللي ينقلون الزنابيل=راحو سريبه كلهم في زريبه
ذاقوا من اسبابك عذاب وغرابيل=وفالاخره كلٍ إلهه حسيبه
واضرب مثل واصدق مثل للتماثيل=من لايحس العيب ماشاف عيبه
هذي هي اللي مالها ايات تحليل=ان يفعل الانسان مايستعيبه
ياللي تبلبل كلها ايام وتزيل=الذل ماله سلمٍ تعتليبه
تايه مابين الشرق والجدي وسهيل=واللي تقدا فيك ينشق جيبه
لابد ماتقضي عليه المحابيل=ومهما بلغت نهايتك فالحقيبه
وتندم ندم قابيل من قتل هابيل=من طال به سقمه تراه يغديبه
شانك قليل وكل يومٍ بتقليل=ياللي وطنك مع العدا تعتديبه
للشر ناس وللشكاله مشاكيل=ومن لا يحسب شرنا يبتليبه
حنا رجال الامن واهل المواصيل=اللي عليك ومن يطيعك تعيبه
وحنا على الخاين عقوبة وتنكيل=وامن الوطن واهل الوطن نعتنيبه
وحنا بهدفات الكراسي نواجيل=لو الضريبه سلك فبره نصيبه
من غلنا على الكبود المغاليل=نحطها بين النحر والتريبه
نكسب رهان اللي يحط المعاديل=والغلب منا ماعلينا غليبه
يادارنا يام الرموش المضاليل=انتي حبيبتنا ونعم الحبيبه
يفداك منا الحي واللي مقاتيل=في واجبك نمشي كتيبه كتيبه
بارواحنا ثم بالدعا والتباهيل=للي صغار النمل يسمع دبيبه
نحمي وطنا ونتقدم زرافيل=على العدا والموت نارد قليبه
والعز بالله ثم حدب المصاقيل=والذل نقمه والتهاون مصيبه