الاخ ذيب الحنابج
صح السانك والسان الشاعر الشمري
يقول مـن عبـر بزينـات الأمثـال=وازهى القوافـي جايبيـن جزيلـه
من جاش أديب ينظم الشعر بالحـال=أخذ جزيل القـاف وأرمـى هزيلـه
الفكر يحضر والحبر بالـورق سـال=والقـاف مـازون علـى مابنيـلـه
مثـايـل ماولفـوهـن الأنـــذال=ولا نقلوهـن مدركيـن الفشيـلـه
شاقن لنظم الشعر ماضيـن الأفعـال=يـوم الزيـارة للديـار الجميـلـه
يوم الخميس اثنين وعشرين شـوال=جينا الرجال اللـي علومـه نبيلـه
أولاد روق اللـي عريبيـن واثقـال=قبيـلـة يـاحــي والله قبـيـلـه
أولاد روق اللي لهم صيت وأفعـال=أهل السيوف المرهفـات الصقيلـه
وأهل البيوت الراميه كنهـا الجـال=عـز الرفيـق ومكرميـن نزيـلـه
ذباحـة الحايـل كريميـن الإسبـال=متوارثيـن الطيـب نعـم القبيـلـه
شرهاتهم ماهي على جمعـة المـال=فوق الصحـون يقلطـون الجليلـه
كبار الصياني والسمن فوقها سـال=الابـة اللـي يذبحـون المحيـلـه
وبيوتهم للضيـف مزبـن ومدهـال=وديارهـم كـم واحــد يلتجيـلـه
ولو ننشد التاريخ ونشوف وش قال=يشهد لهـم تاريـخ نجـد وجيلـه
تاريخهم واضح علـى راس ماطـال=تاريخهـم بيـن وكـل حكـي لـه
يوم علـى طـلال مايبهـج البـال=ثار الدخن من حر صلـوا الفتيلـه
زادوا على الهقوات يوم أدبر الفـال=يوم الحرايـب والعـدو تركـي لـه
ميزانهم يرجح علـى عايـل عـال=وحريبهـم يـوم اللقـا عـز تيلـه
قبيلـة ماطاوعـوا قــو عــذال=قوم على الحـراب تشفـي غليلـه
رجالهـم ينطـح ثلاثيـن رجــال=وخيالهـم ينطـح جمـوع وخيلـه
للزيـن زينيـن وللضـد جـهـال=عوق الخصيم ليا بـدا منـه ميلـه
قوم يعرفه عاقـل النـاس والضـال=سقم الحريـب ومقحميـن الدبيلـه
يشدون سيل يضرب الجـال للجـال=واللي بوجـه السيـل لازم يشيلـه
ودخيلهم يلقـى المعـزة ماهـو ذال=وعز الله أنـه داخـل بـه دخيلـه
وصديقهم لا نشدتـه عـن الحـال=يقيـن مايعتـاض عنهـم بديـلـه
وصديقهم عنـه المحاميـل تنشـال=تنشـال لـو أن المحامـل ثقيـلـه
وعدوهـم يسقونـه الـمـر وذلال=بالليـل يسهـر ماتهـنـى بليـلـه
وعدوهـم يـذوق تسعيـن غربـال=خلـوا علـى كبـده حـر ومليلـه
وعدوهم لو هو من الجيـش حمـال=بالمعركـة خلـوه يطـرق شليـلـه
يردون حياض الموت جسرين الأقبال=فرسان ليا ركبوا ظهـور الأصيلـه
صولاتهـم غدابهـا كـم رجــال=وياويـل رجـال تعـرض سبيـلـه
وكم عقيـد وسـدوا راسـه الجـال=وشيـوخ راحـوا بالمعـارك قتيلـه
ولو أبا اعـد فعولهـم مالهـا تـال=يصعب علي اعدادها مـن حصيلـه
يستاهلون المدح عريبيـن الأنسـال=نسل الرجال اللـي علـو بالطويلـه
شي لشوفـه زاد مدحـي بالاقـوال=والقول عقـب الفعـل أكبـر دليلـه
وجعل الخيال اللي نشى فوقه خيـال=والغيث يمطر من حقـوق المخيلـه
على نفي مـع القـرارة والاجبـال=وتسيل كـل شعابهـا مـن مسيلـه
حيث أنها ديار البطولـه والأبطـال=ديار الكـرم والطيـب للـي يجيلـه
ديار لهم حامينهـا مـاض الاجيـال=من دونها ترخـص عمـار طويلـه
يقولـه الـلـي ماتغـيـر ولا زال=قـول الحقيقـه والصراحـة يبيلـه
وصلاة ربي عـد مـا وادي سـال=وعـد بـراق بــرق بالمخيـلـه
على الذي سن الفرايض والأعمـال=نبينـا المختـار راعـي الفضيلـه
| التوقيع |
إن قلَّـت الوزنـه وربعـي مشافيـح ** أخلـي الوزنـه لربعـي واشـومـي
|