[@عريب الساس@]

الله مـن قـلـبٍ تـزايـد iiعـذابـه
لوماالضلوع إمداه من جسمي iiإنحـاش


مهمـوم هـمٍ مايفيـد الــدوا iiبــه
همٍ لقي فـي قلبـي لحـاف iiوفـراش


حاولت أبا أسليـه عـن حـر مابـه
بالتمشية والضحك والمزح.. ألا iiماش


أجبرنـي أغنـي واجـر iiالربـابـة
واجبرني اتفرج على طاش ما iiطـاش


وازريت أخفف عن فـؤادي صوابـه
اصبح يزيد الهـم ويعيـش iiلاعـاش


هـذا وانـا قلبـي عزيـزٍ جنـابـه
أنظف من الصابون وأبيض من الشاش


أمشي على نهـج النبـي iiوالصحابـة
لا احقد ولا انافق ولا نيـب غشـاش


وأظـن قلبـي مـا تنـوّخ iiركـابـه
ألا بعـد نـوٍّ معـه بـرق iiورشـاش


نـوٍّ مـن المنشـأ يخيـل iiسحـابـه
ويدن رعاده بعـد ياصـل iiإحشـاش


وأمطـر وسنّـد يـمّ ديـرة iiعتابـة
مـاراح براقـه ورعــاده iiبــلاش


تسيـل منـه الأوديــة iiوالشعـابـة
وتخضّر الديـرة وتنـور iiبالأوبـاش


راع الغنـم قـال الحيـا iiياهـلابـه
وذبح سمين الضان والقـدر iiماغـاش


وراع النيـاق يـقـول iiيامرحبـابـه
إكلي من المرعى ومن روس iiالأوراش


وإلا الشفلتـي عـضّ نابـه iiبنـابـه
ويقول انا وش ردني لاشري iiأدبـاش


وراع العلف فوق العلف صـكّ بابـه
واصبح كما المحطوط في قسم iiالانعاش


خمسة شهور وما دخل فـي iiحسابـه
لو قرش واحد جعل راسه iiبقـراش!!


أدعـي ويمكـن دعوتـي iiمستجابـة
يالله عليك ولا على الخبـل iiوالـلاش

الشاعر/وصل العطياني