طحت من عيني ولا سمي عليك =رح لمن غرك وخله ينفعك
كنت أحبك في عمري شريك =ضعت من عمري وش اللي ضيعك
يوم أنا من جد أحبك وأرتجيك =من هو اللي صار عني يمنعك
كبروا رأسك وقالوا أنت فيك =الصفات اللي تغر وتخدعك
شفني أول كنت خاتم في يديك =يا مضيع خاتمك ماني معك
لا تدورني أنا ما عاد أبيك =مقتنع بالبعد وقتك يقنعك
مقتنع بالغير يمكن أنه يبيك =مقتنع بالغير خله يرفعك
انتهى الموضوع سلم لي عليك =ناصحك بالبعد خله ينفعك