....
..
يالسيف انا ضاربٍ دربٍ طويل ولا عرفت المصيـر
والقصه الغامضه بلشوبها العربـان يابـن الحـلال
المسأله طولت والوضع في تـال الليالـي خطيـر
مير الأجابه تراها ماتجي يالسيـف قبـل السـؤال
واليوم انا بسأ لك عن قصة النذل الخسيس الحقير
اللي دخل في عقول اكثـر عبـاد الله تـال الليـال
شوش على عقول بعض الناس بافكاره وقال الكثير
قال ان قصده يدل النـاس لـدروب النقـا والعـدال
واليوم ليتـك تعلمنـي مـدام انـك هنيـا مديـر
انا طلبتك وجالـك يابـو منـذر فالقصيـده مجـال
/
\
ان كان عبد العزيز ايشوف شي ٍ.. منه فكره يحير
اشياء كثيره نشاهدها ومنها العقـل صابـه خبـال
انا معك فالكلام اللـي تقولـه يالفهيـم الخبيـر
دنياك هذي عجيبه مابقي للصبـر فيهـا احتمـال
العاقل اللي يغض الطرف.. فيها ينتهج له مسيـر
مسير. خير البشر والحق يارجال عكـس الضـلال
اوجزت لك بالكلام ومثلكم يفهـم لهـا باليسيـر
والحر عطه الاشاره واتركه ...يفهم على كل حـال
:
:
عبد العزيز الرويس
ومن ينسى هذا الاسم
شاعر طال مااتحفنا بابداعاته الشعريه
في النظم والمحاورة
(الله يذكرك بالخير يابو سعود)
وصح السانك استاذنا ومبدعنا ابو محمد
ودمت ودام الوفا بين الطيبين
مودتي
.