[نايف العبيد العتيبي]

السلام عليكم والرحمة ::

/

نفثت سحرها بتلك العُقد الموبوءة :::

بين شرايينٍ تقلّصت أركانها :::: وتحّجرت دمائها ::::
كم كنت آتحاشى تلك المقلتين ::::: ولكني اجدني اهرب منها اليها !!!

لم اكن اعلم ان حياتي وموتي على ضفاف تلك الدرتين الوهاجتين !!!

كأنها كوكبُ ُ دُرّي قشعت سكون الأليل :::بخدٍ كخد الأسيل :::

..... هاهو صخب الخوف يحمل رفاتي الى مثواه الأخير .........


::::::::::::: ولا أزال اهذي ::::::::::::

في نون حوّى قريت كتاب=طلاسم الموت مصاحبته
من رمشه أقرى الوردْ مرتاب=وانفث على بليس وخنزبته
يبي لي خرز رصد واحجاب=من اريشٍ حيل جنبته
ودرع (الزناتي) وشلفا (ذياب)=لاهدّ والقوم محاربته
وسيف (ابن هندي) وقب (عقاب)=يحميني من كاعبٍ هبته
ياعين حرٍ على مركاب=سبوق المحابيل جاذبته
مرتزّ منغزّ لخزّ ينهاب=رزّة زعيمٍ زما نبته
وقف يندّد عن الإرهاب=وخطابه الصحف كاتبته
صافي عمد أقطمٍ جذاّب=كل العذاريب مجنبّته
يدعيه راعيه ياكساّب=عرض المناكب معذربّته
يقول شبكته من المرقاب=لطرد الملابيد دربّته
ياصاحبي ماعليك عتاب=لشقيت قلبي وعذبّته
جرحي من العام ماقد طاب=جروحك شلون طببته
الخد لون الشفق بغياب=مالوم قلبي لو انهبته
من الحيا عضّت العناّب=بضوح البرد ليلي قلبته
اسهر وكّني عضيض الناب=أرقط ظهر يبرم رقبته
إذا وقب غاسقه ينساب=وعروقي السم شاربته
أنا جريح الهوى منصاب=هوصابني مير ماصبته
آجيه متشرّهٍ طلاّب=وآعود والحق ماجبته

إضغط هنا لحفظ القصيدة


ملاحظة/
ابن هندي : محمد بن هندي الكريزي امير عتيبة من برقا
عقاب : هو عقاب بن شبنان تولى الامارة بعد وفاة محمد بن هندي فارس صنديد

ولكم جلّ ودّي




دمتم بود





.