الهيـــــــــــــلا *** منتدى قبيلة عتيبة - عرض مشاركة واحدة

صامل الغنامي · 01-Jun-2006, 07:49 PM

اقتباس:

المشاركة الأصلية كتبت بواسطة الهوك..........


	يا بو علي يا علاج القاف ياطبه = لا طبوا الملعبه عكفان الأشنابي لا قام كلن يحكر البيت ويذبه = مثل الحطب في هشيم النار شبابي وجات المعاني كما النيران مشتبه = فيها الردي والسمين وحرب الاعاصبي وصارت لحون القصايد كلها هذبه = وبدوا يدقون في تاريخ الانسابي ما يعرف الطرق غير اللي ملى عبه = ولا ينزل الملعب الا كل لعابي الرابح اللي يجنبها عن الغبه = ويقدر يثبّت ذلوله بين الاغرابي ويجيب كرتا ً مع الشعار يكسبه = ويحفظ مكانة ربوعه بين الاجنابي يا ليتني مثلك الو الحرف والعبه = عشان لا شفت خيل الشعر ما اهابي هاك القضيه وابا ابين لك السبه = خابرك رجلن حكيم تفك الانشابي لي صاحبا ً ناظري ما تاه عن دربه = ولا حال بيني وبينه عوق الاسبابي انا تخليت عنه وجزت من قربه = وفريت فرة قريصا ً عضه الدابي ذكرت يوم الحساب وخفت من ربه = الواحد الي فتح للتوبة أبوابي ذكرت يومن هل الزلات تنشبه = يومن على أهل الخطايا شر وعقابي أهل الخطا والوجيه السود منكبه = فالهاوية ما لهم من دونها حجابي والمتقي يرفع كتابه ويفخربه = ويقول للناس هاؤوم اقروا كتابي ما قدّمه من فعول الخير يوجربه = وله فالجنان العريضه زرع واعنابي والفاجر يصيح من هوله ويخسربه = وله مع الله كلام ولا له خطابي ما ودي ابلش وازود ذنبي وذنبه = وانا عليه ذنوبا ً حمل قلاّبي وخايف يعذب علشاني واعذبه = وتكثر عليّ الذنوب ويثقل حسابي يشهد علي الكريم مفرج الكربه = العالي اللي يجود بعتق الارقابي ما اخذت من صاحبي ضمه ولا حبّه = وانيابه الفاتنه ما ناشها نابي ماله عيوب وعذاريبا ً واعذربّه = الا انه لعقل من حاكاه نهّابي والله لولا ولي العرش ما اكبه = ولا اترك ركابه تغادر لمّة ركابي عطني جوابا ً يفك القلب من حبه = ان كان للحب واهله عندك اطبابي

مع تحيات اخوكم / بعيــــــــد المـــــــــدى العضياني 1427هـــ

الهوك 00 بعيد المدى //// قصيده متعوب عليها 00 من أروع ما قرأت في المدح

بس ياليت نعرف من هو أبوعلي الي أكيد أنه يستاهل

صح لسانك إلى يوم الدين 00 يامبدع