قصيدة (2) : يا الله ياربي
احدى قصائد مخلد القثامي وهي عن ان مخلد بعث برسول لدياره يخبرهم بالربيع ويصف للرسول المكان وكل شي عن قبيلته ويحث الجميع على القدوم إليه.
يا الله يا ربي عليك التسانيع
وان ضاقت البيبان بابك وسيعي
كريم يا برقا نخيله وراء الريع
ونخيله بأطراف وادي النقيعي
يا راكب اللي من سلايل مرافيع
اسداس حيلا ما تلاهن رضيعي
قطم السماري ما هوتهن مراقيع
تاطا الحثاث و سبتهنه متيعي
إيزوعن إليا بداء الفجر تزويع
ولهن غذاي اليتامى وديعي
ما فوقهن الا العيال القواطيع
طريحهم بالعج ماله منيعي
حط البهار ونطع الليف تنطيع
لين السوالف بين اهلها تريعي
واخذن من غدران حاذه قراطيع
من ماء المطر ما هو بعدا رجيعي
ويازينهنه بالسليله مخاريع
للحيَهنه في اللواحي قضيعي
باطرافهن مثل السباع المجاويع
من ذل اهل ركبا عليهم يفيعي
واليا بدن حلي كشب المضابيع
أدروا عليهن عقب مسرا شنيعي
ولازم تشوف الطرش حمرن مراتيع
والا تشوف النار تلمع لميعي
وزع عليهم ردتي بالتوازيع
وخص العيال وكل قرما رفيعي
ونجل العيون مخوتمات الاصابيع
هيم البطون وخل عنك القظيعي
وان سايلوا عنا بوادي المرابيع
اتراب و الخيبه بهكاء البقيعي
صعوطنا القبعي وعج المدافيع
وان ثارت القله غدينا مزيعي
اخيامنا مثل الطيور المواقيع
ولا ديرتا زينه ولا من نفيعي
والحي لابده يجي بالمراجيع
واللي دعاه الموت يقعد وضيعي
* كما ان القصيدة ذكرت بالترتيب التالي ايضا :
يا لله ياربي عليــك التسانيع
ليا صكت البيبان بابك وسيعي
كريم يا برقن نخيله ورا الريع
بالقطــر عنا يم واد النقيعي
أنا ليا مني بغيت المناجــــيع
عقب الليان اغصون قلبي صريعي
ياراكب اللي من سلايل مرافيع
اسداس حيلٍ ماتلاها الرضيعي
يزوعن ليا بدأ الفجر تزويع
ولهن غذاي اليتاما وديعي
مافوقهن الا العيال البواتيع
طريحهم بالعج ماله منيعي
قطم السماري ماهوتها المراقيع
تاطا الحثاث وسبتهنـه متيعي
باطرافها مثل السباع المجاويــع
من خوف اهل ركبن عليهم يفيعي
قدامهنه يسبرون المضابيع
وخلافهنه يسبرون الفريعي
اخذن من غدران حاذه قراطيـع
من ما المطر ماهوب بدعٍ رجيعي
واليا بدن احلي كشب المقاويـع
ادروا عليهن عقب مسراً شنيعي
وصدوا بهن عن البرود اللواسيع
وشبوب اهلهنه بسمــرٍ خليعي
ودق البهار ونطع الكيف تنطيع
لين السوالف بين اهلها تريعي
وهن بروكٍ ف السليله مخاريع
للحيهنه باللـــواحي قريعي
اما تشوف مخضبين المساويع
ولا تشوف النار تلمـع لميعي
ولفوا على شباب(1) عيد المجاويع
الشاة حايل والمعـــزب بزيعي
سلم عليهم كل شخصٍ بترفيـع
خص القروم وكل شخصٍ رفيعي
وهيم البطون مخضبات الاصابيع
نجل العيون وخل عنك القضيعي
ون سيل عنا يم واد المريبيع
لا عيشةٍ زينـه ولاماً نفيعي
اخيامنا مثل الطيور المواقيع
ون جاتنا القله غدينا مزيعي
والحي لابده يجي بالمــراجيع
واللي دعاه الموت يقعد وضيعي
المعاني :
(1) شباب : هو الجداعــي