[الهوك..........]

بسم الله الرحمن الرحيم ....

أنتشرت قصيدة لشاعر قحطاني من آل روق وسمعتها في جهاز أحد الأخوة عن طريق البلوتوث

ويقول القحطاني...

ياشيخ ماوالله على نجد روقين
ياكود حنا كاسبين النفايل
وان قلت روق عتيبه أقول وافين
قل روقه وآقول نعم الفعايل
نزيعتن منا وصاروا معادين
ولاأنكرونا مدحمين الدبايل
ومافيه روقن غير روق القحاطين
أصل العرب وأشجع فخود القبايل
خوينا ياخد مع الحق حقين
وقصيرنا نرفاه لوكان عايل

المشاركة الأصلية كتبت بواسطة الهوك..........

ماالوم ابن قحطان لو يحلف الديـن=ولا احدن يلومه لويسـو الهوايـل
ماشاف في ربعه حدن يعجب العين=وراح يتمنى اهل المهار الاصايـل
ربعه هل الطولات منهـم قليليـن=ويونس على كبده سـواة الملايـل
ويسمع علوم مرجحين الموازيـن=اهل العلـوم الطايلـة والجمايـل
طمعان فاهل الفعل يوم المثاريـن=لا صاب قلب اللاش برد وجفايـل
يبغى عذاب الخيل حولـه قريبيـن=وده بهـم حسـوة ليـوم النزايـل
في نجد جربهم وكانـوا خطيريـن=ذاق العنا منهـم ولا لـه حصايـل
راع الحصاه اللي ربوعه فريقيـن=اكيـد جمعهـم بمكـر وتحـايـل
يسمع وصاة اللي يوصـي بثنتيـن=حكمه سمعهـا فالحكـم والمثايـل
الياعشقت اعشق قمر كامل الزيـن=واسرق جمل لا تسرق الا جزايـل
والا يظنـه نازلـن لـه دكاكيـن=ويبغى يقضي له طعـام وسوايـل
اليوم ينهب جمـع روق الشياهيـن=وبكره ورى برقا يسـوي حبايـل
ربعي عتيبـة كلبوهـم سلاطيـن=برقـا وروق مزبنيـن الدخـايـل
عند الرخا طلق الوجيه وكريميـن=وعند الحرايب ياخـذون الاوايـل
انشد وتلقى لـك رجـالاً رشيديـن=عن روق وافين الذمم والخصايـل
يحكون لك عن سالفة روق الاسمين=حناالاصـل وانتـم بعدنـا حثايـل
وان كان ياريمان في راسك طحين=لاتحسبـن المسـألـه بالسهـايـل
تعال هات اثبات وشهـود عدليـن=لا ترسل الشينات عبـر الرسايـل
كـل الدعـاوي مثبتـه بالقوانيـن=واللي تريـده مستحيـل النوايـل
ربعي على خشمك كراماً بعيديـن=عند المراجـع مثبتيـن السلايـل
والناس يـارزان ماهـم مجانيـن=كلن يعرف الاصل غيـر الهبايـل
ان كان ربعك عن سواياك داريـن=راحت مواضيعن عراضن طوايـل
وان كان ماغير انت وسعيد وحسين=تحلمـوا وابنـوا بـروس النثايـل
عن الحكي مااحدن يرد السفاهيـن=دايم يجيبـون الخـزا والهزايـل
كلام ابن قحطـان مالـه براهيـن=مغتزه الشيطـان وقـت القوايـل
والخاتمة صلوا صـلاة المحبيـن=علـى نبـي الله كريـم الشمايـل