.................................................. ........................
ياقلب لاتشكي لـي الهـم لـو زاد
يمكن ركابه عنك بكـره طراقـي
واصبر لعل الحـظ للخيـر ينقـاد
وينحل من هـاك القيـود الوثاقـي
دنياك هذي بيـن عـاذل وحسـاد
وميدانهـا يكثـر عليـه السباقـي
لاصار راسي مارفعتـه بالامجـاد
كني بقاع البير صعـب المراقـي
لابد مادرى واختشي هـرج نقـاد
واحط لاقدامي عن الحيـف واقـي
والهرج لو يكثر على ماش مافـاد
وقله على المعنى مع الناس باقـي
والكلمـة الزينـه لهـا كـم نشـاد
عود خضر دايم على جال ساقـي
وكم سيدٍ هرجه مع النـاس ماسـاد
لو ساد ملكـه باليمـن والعراقـي
وكم شخص بين الناس نوبٍ بلا زاد
لكن بقوله راعي العـرف شاقـي
والعرف بحر وغبته للرجـل مـاد
وفيه المعـارف للعقـول العماقـي
هـذا قديـم وذا تجاريبـه جـداد
وهذا عليه الـدور مـازال باقـي
منقوووووول