السلام عليكم ورحمة الله وبركاته وبعد
وبعد الاخ الصدوق والنجم الساطع واضح وللاسف انكم غواريه والمعروف عن الغواريه هو الشجاعه والطيب في كبيرهم وصغيرهم وعدم هضم حقووق الرياجيل وجحد اماراتهم ولكن الله ولي امركم
اخواني السالين عن قصة ابن مدلج الميزاني المطيري هي من المعروف انها فزعت الامير شارع بن زبار الغواري امير قبيلة الغواريه واحد مشائخ الدلابحه وهذا لا ينكرونها الاد دلبح ولكن السالفه جات متناقضه وهي كالاتي
هاذي قصه الدلابحه مع ابن مدلج المطيري وهي كما قالها جدي رحمه الله
بالحرف الواحد يقول فيها ان ابن مدلج المطيري دخل على الدلابحه من العرافه لن عليه حق والحق مثل الضريبه اوغيرها في عصرنا هذا والعرافه كان يملك خيل وابل وانعام المهم كان من المقربين للعرافه شيوخ المزاحمه
الظيط وبن وبصان امير الغنانيم وبجاد ابوخشيم جو واعرفو انه عند الدلابحه عتبان مثلهم ماراح يقولون شي المهم اخذو المطيري ودوه للعرافه
وفي نفس اليوم الدلابحه افقدو ابن مدلج تجمعوا في خيمه شارع الغواري ويتشاورون الدلابحه فالموضوع لن هاذى فيها مواجه عبدالعزيز بعد معاهده الاولى وقاموا الدلابحه وعلى راسمهم شارع الغواري وابن مسعد حمدان الصديق الحميم لشارع وقال الغويري انا ماشي يدلابحه يالاد دلبح الي بيروح يروح والي بيجلس يجلس قال ابن مسعد ما مخلنيك لحاللك يخو شرعا وركبو خمسه وعشرين
ذلول ردف وخمسين بندق مسرى فالليل وذاك اليوم فيه مطر وبرد المهم وصلو لين خيام العرافه والمزاحمه وعرفو خيمت السجين مطرفه عن الخيام ودخلو
الخيمه لقو العبد وابن مدلج مقيد بالحديد المهم دخلو الخيمه وكا فيه فارس من الغواريه اسمه مطلق بن عويد وحط السيف عند ارقبت العبد وقال حشم
نفسك ياصالح لن العبد يبي يصيح يجمع القوم المهم النار مشبوبه والجو برد
اشتهى شارع الدخان الي هو العظم ويقوم واحد من الغواريه يولع وكل ماولع
طاحت الجمره اكثر من ثلاث مرات قال شار ابك انت علامك رد عليه عجزت يخو شرعا لن الموقف جبار المهم حذف شارع العظم وقال للربعه المقوله المشهوره شل الرجال يارياجيل بالحديد المهم شالوه وسرو عاد يوم اطلعو على راس طلعه وقفوا وقال ارموا ببنادقكم من فوق الخيام رميت رجال واحد وفعلن رموا واربكو الرياجيل الي متجمعين في خيمت العرافه
وسرو الدلابحهوافتكو خويهم
وهاذي قصيده الغواري في الحادثه
اليا احتزمنا بعطلات المضاريب__اشيوخ الاجناب تشكي من مضاربنا
ليااحتزمنانشبع الطير والذيب __اما من القوم ولا من قرايبنا
اما سالفت قصيدة
عز الله اني ماقطعت الياس __ من يوم ماقيل الدلبحي مخويه
انا بنفسي سامع القصيده في مجلس ذوي حبيل شيوخ الحبيل والقصيده لم يذكر فيها ابن مسعد فقط
سمعت البيت الاول عدت بيوت وفيها يوم الغويري شرع الفاس
والله اني ماني متذكرها بالظبط لكن انا اعرف الي قالها من شعرا الحماميد ومن كبارهم مستحيل انه يزور فيها
وبخصوص مشيخت الدلابحه معروفه مشايخهم وهم
1ابن دميلج واندثر شداده
1_ذوي وسييمر من ذوي عصاي
2-حمدان بن مسعد ومن بعده
3_ذوي حازم من الغواريه
وهذا ماهو معروف عندنا ومثوق من شيبانا ومافي داعي للنفراديه والتصغير من حجم الاخرين
ولكم شكري