السلام عليكم ورحمة الله يا إخواني الكرام ,,
يقول مطلق ( رحمه الله ) ::
السحيمي ينفض اللحية ويطوي في معمه=
البعير اللي يشيل الحمل عود يرضع أمه=
فقال صياف الحربي ::
السحيمي يوم غنى حطكم في راس كمه=
الجمل يمشي على الدرب وكلامك مايهمه=
يقول مطلق ( رحمه الله ) ::
الزمان اللي ستر حالك وحالي لاتذمه=
أنت داب كل ماحرك شدوقه سال سمه=
يقول صياف ::
أنت ذيب تكره البارود لو إنك تشمه=
الطعام اللي ليا شفته على صدرك تضمه=
يقول مطلق ( رحمه الله ) ::
علموا صياف لايتبع خفيف الظل عمه=
قله إنا مانبالي اللي بنا نقال نمّه=
يقول صياف ::
أنت أشوفك كل ماتسرح تضوي لك مطمه=
لايزعلك الكلام اللي عسى ربي يتمه=
يقول مطلق ( رحمه الله ) ::
كل شئ في طريقك يا أبيض الشارب تخمه=
إن نثرت القش ياصياف ماتقدر تلمه=
يقول صياف :::
لو يبي يتركك على باب الخزينه رحت يمه=
المسافر مايطب البحر لين إنه يطمه=
وسلامتكممممممممممممممممممممم