[خلف بن مرزوق]

000
00



قمة الجزالة وقمة الابداع

والحرفنة الشعرية

شكلاً ومضموناً

محاورة نادرة من نوعها

في مبناها ومعناها

ادب وفكر وتلاعب جميل بتشكيل المفرده

وجودة المعنى


اقوى محاورة جرت على الشبكة العنكبوتية..


المحاورة كانت مباشرة من الساعة 10مساء الى 1.30صباحا


كان طرفيها علمين من اعلام الشعر وهما..


الشاعران الكبيران / حبيب العازمي و فلاح القرقاح

الشاعر اللي فيه سيما اهل الكرم والصالحين =احيان يقرا ماكتب واحيان يكتب ماقرا
وصاه ابوه وجده اللي وراثه والصا لحين =امايحصل مابحر والايحصل ماقرا
ياحبيّب الروقي بلشنا في الليالي والسنين=الله يساعدنا على الكوكب وما به من ورا
راح المفرج والمزرج والمصقل والسنين=ما باقي إلا قفش ترباسه رما به من ورا
يابو محمد مامشينا فالدروب الايمين = وانته تعرف اليمنا وانته تعرف اليسرا
لاكن لاياخذك فاهل الزور لوم الايمين=مارانتبه للي سرح واحسب حساب اليسرا
دينٍ ما ينكر منكراتٍ محدثه ماهوب دين =والوادي الممحل لا راد الله له الرحمه جرا
البيع يا طير السعد عد وعدد ماهوب دين=والطيب اللي لا جرات غيره مع الزحمه جرا
يالله لاتفرح علي اهل الحسد والشامتين=ويبطي عدوي من صوابه بعد اصابه مابرا
ياهل الهوى وين الهنوف ام الوشم والشامتين=كم واحدن يقول عاشق مار جسمه مابرا
انتو وحنا طال عمـرك كلنـا مـن قالطيـن=الله تعالى يجعل لمـن طاعـه حجـاب وذرا
منقال طين اهل البناء ياصاحبي منقال طيـن=ويوم الحصاد يحصّل المحصول من جاب وذرا
انته وابن وسام سجلتوا هدف فالدورتين=واناقريت القارعه والزلزله والم ترا
التين فالبستان يارجل ن تبافالدور تين=لاكن قيس المزرعه باليارده والام ترا
انا وابن عمي كفو والشارقة ماهيـب عيـن=انقل ترا ما عاد في الديرة مكان انقـل تـرا
العين صارت خشم ياحبيّب وصار الخشم عين=وهل السعودية ما تعرف مهرجـان انقلتـرا
لوتحسب القسمه على المقسوم له والقاسمين=اللي يباع برخص في سوقه بسعره ينشرا
القا .. جمل والقا ..جزل والقا.. هزل والقا..سمين=مير الصحافه كل شيئاً ضدها ماينشرا
مافاد ابو شوشه لا ابو شارب ولا ابو شاربين=لا جات لـه بالمشتـرى والبيـع ولا بالكـرا
خلق الله بنعمة وخير ومـا كليـن وشاربيـن=خل العيون اللي نضـب ماهـا تحـلا بالكـرا
وين السيوف القاصمه ياصحابنا والمرت وين=الفن علينا ماطرا والفن علينا قد طرا
الله خبير بحال من ماتو ظما والمرتوين=وان كان ماهب السعد فلاعلى الدنيا طرا
انا ليا جارت علـي الأيـام قلـت الله يعيـن=وإن زان وقتي جيت عدواني على الكون جهرا
الرقية الشرعيـة تعالـج لـو العايـن يعيـن=عيون يسبق شوفها الدربيل وعيـون جهـرا
اللي يحب المرجله يبديلها والها يبين =واللي يعدي في كرا يقدر يحول من كرا
وانته تعرف الصاملين امن العرب والها يبين=حدث ولاتنسى نصيبك مع نكير ومنكرا
يقودنا لأهل المراجل والوفاء شوق وحنين=الحزة البركة الياجتمعـوا مشايـخ وامـرا
كلن يعرف اللي لا شال الحمل ما جاله حنين=وانا لكم حتى لو إني مـن ورا الفيـوم ارا

اجبر الشاعر / حبيّب العازمي

زميله الشاعر / فلاح القرقاح

على اللعب معه بهذا الاسلوب الحديث في فن المحاورة وهو الشقر

ورفضه لمطالب بعض الجماهير وعلى راسهم الشاعر / سلطان الهاجري

الذي طلب من ابو فيصل ان تكون المحاورة اللعب بدون توضيف الشقر

::

وماهذه الا رسالة يوجهها الى من عبثوا بهذا الفن الراقي بحجة التجديد

وانصياعهم لطلبات الجماهير..وادخال الحان الفنانين بهذا الموروث العريق

فها هو يجدد هذا الفن بدون المساس بأساسياته

بل اضاف اليه نوع من القوة وكذلك حماس جماهيري له


تحيتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn