الشاعر/ غازي بن مهنا الشيباني
ياللي على الماضي توجد من الياس=تبكي على الماضي وبالصدر ضيقه
انس الزمان اللي عليه الدهر داس=من يرجع ايا الشباب العتيقه
وان هب لك من صاف الوقت نسناس=خلك بدرب الجود رجلك طليقه
وان شفت ناقل شيخة مالها ساس=سراب صبخا لا يغرك بريقه
عزك من الله ماش عز ورا الناس=مكن ايدينك من عراه الوثيقه
وارفع مقام النفس عن درب الادناس=والا ترا ضلع الندامه تويقه
ترا دروب الهون ماترفع الراس=اسأل مجرب يخبرك بالحقيقه
واختر لنفسك مع هل الجود مجلاس=وراع الردا والخبث جنب طريقه
ترا دروب الهون مافيه نوماس=والطيب حمله كايد من يطيقه
ومن طاوع الشيطان يبشر بالافلاس=من طاوع الشيطان يصبح رفيقه
ابليس لايغويك في كل وسواس=ويرميك في موج البحور العميقه