مرثيه للشاعر :: سلطان عبدالعزيز العتيبي
في وفاة الأمير جدي ابن مناحي ابن زريبه امير الجذعان رحمة الله واسكنه فسيح جناته المتوفي في الولايات المتحده الامريكيه بتاريخ :: 15/4/2006
المرثيه ::
يمد الحزن كفه للقلوب ويزعج السلوان=ولله الامر نمشي على دبرت مقاديره
بدار الغرب قالوا راح شيخ وتنعي العتبان=من كبار الاسامي والزمن تشهد مشاويره
ياكبر الحزن في وسط القلوب ولوعة الفقدان=على شيخاً له الامجاد بالموقف وبالسيره
على فقدان جدي بن مناحي مقدم الجذعان=اميرن ارتكا للمجد في ساسه وتدبيره
ورث لزريب عز ومجد يبقا للزمن عنوان=ولبس ثوب الشموخ وفصله بالعز والغيره
عمود البيت وبيوت العرب تنهض بها العمدان=ومن يعرف هل التاريخ يعرف ويش تقديره
راعى الفزعات للأدنين والأقصين والعربان=ملاذن للربوع ان عجعج الوقت بمعاصيره
من رجال تجازف ماتحسب الزود والنقصان=شهد نجد المسمى والقلم تعجز تعابيره
عسى الله يرحمه ويحلله ويعوض اهل الشان=تروح الناس ولكن البقا في طيب السيره
الشاعر ::
سلطان عبدالعزيز العتيبي
رحم الله موتانا وموتى المسمين اجمعين
ادعوا له بالرحمه والمغفره جزاكم الله خير