الهيـــــــــــــلا *** منتدى قبيلة عتيبة - عرض مشاركة واحدة

ابوعبد الرحمن22 · 07-Apr-2006, 02:05 PM

اقتباس:

المشاركة الأصلية كتبت بواسطة مرزوق العتيبي


	۞۩۞۩۞۞۩۞۩۞۞۩۞۩۞۞۩۞۩۞ ياهجوسي لارهجتي وردي عذب البيوت -----------------طمعتي جزل المعاني ياضــميري هاتــها الكلام اللي يفيد الناس اخير من السكوت ---------------يوم بعض الناس اخير من الكلام اسكاتها القصيده لو يموت اللي كتبــــها ماتمـوت -----------------اثبت الواقـــع قصـــايد خلــــدت لامواتها طاعة الله في حياتي معتبرها خير قــوت ----------------والحقـــيقه قوت يغني عن جميــع اقواتها مطلبي فعل الشــكاله وان بدالي مايـــفوت ----------------تنقهر روحي على فعــــل الوفا لا فـاتها والمراجل سلم ابوي وسلم عالين السموت -----------------الرجال اللــي على الطاله علت هامـاتها والنميمه ماعشقــــها كرهها عـندي ثبوت -----------------اكره اللي يقــــولها واكــره بعد جلساتها مجلس ٍ فيه النميمه ينبت الحسره نبوت ------------------قبح الله وجــه ناس ٍ هالردى غاياتها راعي النمه مريض وكـــم في قوله بهوت -------------------البشر كنّه تخصص في كشـــف نياتها لاسمع له هرجة ٍ عنون لها فاجمل كروت ------------------ثم نشرها والمكر والخــــبث في طياتها كم يفــرق من جموع ولا يلملم من شتـوت -----------------مهنته شذب المقــــفي في جميع اوقاتها مذهب ٍ ربي حلاه ودايـم السانه فلـــــوت ----------------- نفسه القـشراعلى ضر البشر مشهاتها مايحط النفس في موقف ردا رجلٍ صموت ---------------الرجال اهـــــل الحمــــيّه تنعرف وقفاتها الرجوله والشهــــامه طبع زاكين البخوت -----------------والرديّه للــــردي والنــاس من عاداتها

مطلبي فعل الشكاله وان بدالي مايفوت== تنقهر روحي على فعل الوفا لافاتها

مرزوق العتيبي صح لسانك وبيض الله وجهك

على هالقصيده الرائعه بكل ماتعنيه الكلمه

الصراحه ابداع غير محدود وتميزاً مبهر

تحياتي