[فيصل المسعودي]

مستور المالكي

يا محمد غبت عنها اسبوع من باب التغلي=
يا محمد سبعة ايامٍ عجاف ابدون خلي=
سبعة ايام الكدر ما راح عني مثل ضلي=
ادري ان الصبر مفتاح الفرج وبه امتحلي=
رحت ادور للتسلي وين ابلقاه التسلي؟؟=
طفت شارع بيتهم ما غير مقبل به مولي=
ودي اسمع ذكرها لو من عذولاً بالتبلي=
شفت اخوها صدفةٍ واقفي يرحب بعض كلي=
قمت اهلى به وانا خايف لساني لا يزلي=
وانكسف مني 0تبسم لي 0وناظرني بغلي=
قلت فعلاً شفت هالصالون بالناس امتملي=
اعرفه من ملمسه من ريحته من لونه اللي=
شلتها بالدس في جيبي وانا ما اشفيت غلي=
قمت ودعته وليلتها عذابي مستغلي=
سبعة ايامٍ وانا في داخلي ربطٍ وحلي=
بعد سابع يوم من همٍ بقلبي مستحلي=
قلت الو وشفيك ساكت رد يا جعلك تغلي=
واهمست وش سهّرك للحين في وقت امتتلي=
واهمست هلحين اجي واخبرك عن دقي وجلي=
جت وهي متخفيه صبحٍ بليلٍ مستظلي=
نفحها مسكٍ ونثر انفاسها وردٍ وفلي=
جت تبختر ردف يتمايل وردفٍ يستقلي=
عنجهية صدرها تفتك بخصرٍ مضمحلي=
لبسها الجذاب حدد جسمها سنتي وملي=
قمت ماني في شعوري كل مافيني يهلي=
طوقت عنقي بسيفٍ من سواعدها يسلي=
ترتجف في قلبها خوفٍ توالها تولي=
كلما هز الهوى الشباك واحدث فيه خلي=
قالت انت اشفيك متغيّب جفا وإلا تخلي؟؟=
مير انا كثرت جياتي وخفت انك تملي=
واخبطت بكفوفها صدري ودمعتها تهلي=
قلت اجل وش وخرك وانتي لعنواني تدلي؟؟=
انت تدري عن ظروفي حط نفسك في محلي=
لو قدرت اليوم اجي والقى عذر مقنع وحلي=
جادلٍ من نسل شيخٍ لا يهاب ولا يذلي=
العفاف ابوجهها مستقبل القبله يصلي=
وجه مثل الصبح يتنفس بنورٍ مستهلي=
طرفها في حد ذات الطرف عالم مستقلي=
جيدها الفتان نوراً من زجاجٍ مستجلي=
من شفافية جسدها والنعومه والتجلي=
ظامها شلال دهن العود بالجيد امتدلي=
صار يتمرد يعذبها تلمه ثم فلي=
ابتسامتها وميض البرق في نوٍ مطلي=
ضحكها معزوفةٍ يطرب لها قلبٍ يولي=
إن حكت نفثاً من السحر الحلال ولا يحلي=
لا دنت مني تبعثرني على غنجٍ ودلي=
عينها مستسلمه والرمش طايح مستذلي=
والله إن اللي ببالك يا محمد ما حصل لي=
ما منعني غير طيب اصلي ولي قدر امتعلي=
قمت اودعها وانا شوقي يزيد ولا يقلي=
اوجبت غسلاً على عيني بدمعٍ مسفهلي=
بعدما عاهدتها بالله حرمت التغلي=