يامعالج الجرح صبري واصلا مـاده=وعلاج قبل امس زاد الجرح ماسـرّه
احرجتني في سؤال مااعرف ابعـاده=والناس للنـاس محتاجـه ومظطـرّه
انظر بوضعي ترى دنيـاك حـداده=وترى سليمان قبلك خاطـب الـذرّه
وجرحي ترى مايبي دكتور وعيـاده=يحتاج قلـب رحيـم ونظـرة حـره
وان كان جرحي بقى والطب مافـاده=اعود وانصحك ياقلبـي ميـة مـرّه
لا عاد تحلـم بشـي فـات ميعـاده=قد ايش تبكي وكبـدك ليـه محتـرّه
اصبر علـى ماقضـاه الله ومـاراده=يكفيك فعـل الزمـن بمحمـد الـدرّه
ويكفي من الوقت خمس عقود وزياده=ماعاد خلـت بكبـدك قطـرة مـرّه
وان قلت انا في زمان فات لي عـاده=دارت رحاة الزمـن وجتـك مفتـرّه
ريح ضميرك وخل الوقـت وجهـاده=لعل خير الزمـان يفـك مـن شـرّه
اما يقوم الجمـل شقـران بشـداده=والا تهب الهبـوب وتقتـل الجره
الشاعر / رشيد الزلامي