[ابن مشيب]

المشاركة الأصلية كتبت بواسطة نشاط الزلامي

السلام عليكم ورحمة الله وبركاته

يسعدني ان شارك بهذه الابيات المتواضعه واشكر ابومحمد على الدعوه والترحيب الطيب ولايهونون بقية الاخوان
وهي على وزن الابيات الترحيبيه التي شارك بها ابن نعيس في قسم الترحيب

دام البقاء بهل الوفا ليل وانهار = وياجعل دار الطيبين امعموره
راع الوفاء يبدا بشيمه ومقدار = ويقدم الترحيب مبدى ظهوره
هذا محلي بين ربعي هل الكار = واجب على ولد الزلامي يزوره
في منتدى الهيلا بعيدين الانظار = الي الشرف يومني اليوم ازوره
مرزوق قرمٍ من حكيمين الاشوار = لاهان في دعواه والشور شوره
وانته كفو يابن نعيس يابن الاخيار = في قولك وفعلك بصوتٍ وصوره
والمنتدى صرحاً من صروح الاحرار = بجهودهم كثرت مواكر صقوره
واللي مشارك فيه الاعضاء وزوار = كلٍ برز باسمه وبتقان دوره
واجمل تحياتي ملايين مليار = والشكر للباقين مابه مشوره

المشاركة الأصلية كتبت بواسطة مرزوق العتيبي

وعليكم السلام ..
ارحب يانشاط وصح لسانك
مداخله بشخابيط ارتجاليه
ماتليق بالمقام ولكن هذا اللي تيسر ...
اتمنّا ان تقبلها بمافيها من التقصير

في منتدى الهيلا ومن زين الاشعار = يامرحبا ترحيب فاحت عطوره
يامرحبابك عد همال الامطار = واعداد دورات الزمان وشهوره
ترحيبة ٍ تهدى وتنساق تكرار = يالوافي اللي وافيات ٍ شبوره
المنتدى في جيّتك شع بانوار = يالشاعر اللي تو ماحان دوره
يالخيّر اللي من مواريث الاخيار = من لابة يوم القتال مخبوره
صويبهم ماله مع الناس جبار = من ضربهم محدٍ يجبر كسوره
الاد روق مطوعة قحص الامهار = اللي يخاصمهم خطاه معثوره
قلته وانا اللي من طويلين الاشبار= برقا نهار الهوش مثل النموره
وصلات ربي عد ماطاير ٍ طار = على النبي اللي ملا الارض نوره

وعليكم السلام ورحمة الله وبركاته

صح السانك يانشاط ولسان ابومحمد , شعراء يستحقون المتابعة والإعجاب.


اخي نشاط/

حييت وحياك الله , وبيض الله وجه ابومحمد , على دعوته لشاعر بمقامك , لقد سعدنا يتواجدك بيننا , ونحن في تشغف للأطلاع على ماتجودبه من اشعار , ونتمنى لك اجمل الاوقات واسعدها في تصفح الهيلا



تحياتي