السلام عليكم ورحمه الله وبركاته
اليكم هذه الرائعه بعد غيبه جعلها ما تعووود
ياقاطع(ن)حبـل الغلـى بالتغلـي=إرحم رحمك الله بقلب(ن)شقـاوي
لا تحسب ان الحب لعب وتسلـي=ياصغير(ن)مانتب على الحب قاوي
اليوم أبصبر كان صبـري يحلـي=وبكرا تراني عن جنابـك غنـاوي
كانك تبي فرقـاي كبـر وتعلـي=ومغريك زينك ياضعيف الهقـاوي
فسـلام لعيونـك سلام(ن)يجلـي=يَجليك من قلبي سوات الجـلاوي
حرام في وجهي سيوفـك تسلـي=سيف الجمال وسيف هجرك بلاوي
سيفك بصدري أول العـام خلـي=سيف الجفا ماهوب سيف العطاوي
منول(ن)من كاس خيـري تعلـي=واليوم تجحد يوم شفـت الغنـاوي
غرتـك لكـزس لجلهـا تستذلـي=والي ملكها شاوي(ن) ولد شـاوي
رجلك على الفخمات دايـم تزلـي=هذي طبوع الي من العقل خـاوي
يالله ياقابـل صــلاة المصـلـي=تقتص من شخص(ن)لغيري مهاوي
مايدري ان العيـن لجلـة تهلـي؟=وماينفع المجروح كثـر التـداوي؟
يالعنبو ذالحب ماقـط عـدل لـي=ظالم وشرعة رافض(ن)للتسـاوي