الله مـن قلـب شــواه التهـابـه=نار الولـع والشـوق مشتعلـة فيـه
علـى الـذي مالـه شبيـه مشابـه=حتى قمر خمسة عشـر مـا يلاديـه
غر ونهـب منـي ضميـري نهابـه=قفا وانا فـي عالـي الرجـم اناديـه
درب الجفـا ياصاحبـي وش تبابـه=عود ومطلوبك علـى الخشـم نديـه
وطولت صوتي مار مـا رد جابـه=قفا وكن الصـوت ماهـوب يوحيـه
ليتـه عطانـي مـزة مـن عذابـه=يبرد لهيـب حـرق القلـب صاليـه
حبه لجا باقصى الضميـر ورسابـه=لـو طالـت الدنيـا فلانـي بناسيـه
وحبه رمى قلبـي بسهمـه وصابـه=وسهوم غيره لو ترمي القلب تخطيـه
لا وعـذاب القـلـب لا وعـذابـه=ما احدن على فرقـا خليلـه يعزيـه
غاب الحبيب اللـي ذبحنـي غيابـه=القلب يكفـخ كـل ماحـل طاريـه
عسى الحيـا يسقـي محـل وطابـه=ويضفي على بقع سكن بـه ويسقيـه
عقبه غديت سـواة قـوس الربابـه=حالي قضت والقلب كثـرة طواريـه
أقنـب كمـا ذيـب ينابـي ذيـابـه=قي مرقب قدمي هوى الروح راقيـه
ودموع عيني مثـل وبـل السحابـه=اللـي مطرهـا كالدحاريـج ترميـه
يلومنـي مـن لايثـمـن جـوابـه=الله يلايـم لـي ضلوعـه ويعمـيـه
لو هو يخـاف الله ويرجـي ثوابـه=ويدري شرف راسه عن امر يهفيـه
ماجا المولـع منـه كلمـة اسبابـه=ولا لام راع الحـب والله معافـيـه
لاشـك قلبـه مايـعـرف اللبـابـه=ماعنده افكـار علـى الحـق تهديـه
ماهمـه إلا ماكلـه مـع شـرابـه=والحب ما بانـت بوجهـه مواريـه
ودرب الهوى من قبل عصر الصحابه=من عصر ابونا آدم والبشـر تمشيـه
وجرح الهوى ماحدن يداوي صوابـه=لابد ما يقضي علـى عمـر راعيـه
مجنون ليلـى ماتهنـى فـي شبابـه=من الهوى شـاف العوايـر بعينيـه
أصبح سقيم وعاف شـوف القرابـه=وشافه طبيب الجـن وازرى يداويـه
مـالـه مـقـر بـيًـن يلـقـابـه=دايـم دوام تايـه بالـخـلا تـيـه
يطرد وحوش البر فـي كـل غابـه=عريـان جسمـه حافيـات مواطيـه
والخاتمه صار السبـب فـي ذهابـه=طرد الهـوى هـذي تراهـا تواليـه
اخي العطاوي
الله يعطيك العافيه
ياغالي
السموحه على تنسيق القصيده