مقبول عالج ضعيف العقل بعلاجه = واللي بلاه الكبر فالنفس منحيبه
ماله علاج ولاله طـب ومواجه = شره عطيب(ن) وجوف الدم يسريبه
خله يقفي على رايه ومدراجه = يزمي بنفسه يبا العليا وتهويبه
وبعض البشر لالفيته يضحك حجاجه = ويثلج بصدرك بميقافه وترحيبه
وتلقا الشحم والوفا والنار وهاجه = في منزل اللي عريبات(ن) مناسيبه
هذاك خله سند لك دوم تحتاجه = وربط معه فالمواصل وحذر الغيبه
ون جاك في لازم(ن) لاتبدي احراجه = وقض اللوازم ولو كثرت مطالبه
وتراك من عزوة(ن) للحرب سهاجه = لطامة اللي يعيل وشر يبديبه
عتابه الهيلا سنا نار وسراجه = تاريخ مكتوب بالامجاد نحكيبه
زبن الدخل لوتلاطم فوقه امواجه = ولو شاف موته بعينه في تلابيبه
بمر الولي دون موته يلحم سياجه = في ضل قوم(ن) على الطاله تباهيبه
ومقبول هذي وصايا اخوك ونتاجه = علم الردا نتركه والخير نمشيبه
والشرع نمشي على نهجه ومنهاجه = ونحذر هل الزيغ والتغريب والريبه
اخي متعب بن فالح
صح السانك
ولاهنت ياغالي
اسمحلي على تنسيق القصيده