الشاعر الكبير دخيل الله الروقي العتيبي ، يصف محبوبته بهذه القصيدة الشهيرة ، وليس كأي وصف ، ولقد غنيت هذه القصيدة اكثر من مرة ، يقول :
ياجر قلبي جر لدن الغصوني
وغصون سدر جره السيل جرا
واهله من اول بالورق يورقوني
على غدير تحته الماء يقرا
على الذي مشيه تخط بهوني
والعصر من بين الفريقين مرا
لا والله اللي بالهوى هوجروني
هجر به الحيلات عيت تسرا
لا مبعد عنهم و لا قربوني
ولا عايف منهم ولاني مورا
واكثر عذاب القلب يوم سنوحوني
بيح بصبري لو بغيت اتدرا
لا ضاق صدري قمت اباري الظعوني
كني غرير بالدلوهة مضرا
وقبلي عليه اشفق وتبكي عيوني
والحال من ود الحبيب تبرا
يا عزتالي من تفرق شطوني
يعزا لي ارمي بالسلب واتعرا
ان مت فى خد بعيد انقلوني
على هدي الزمل مشيه تدرا
ان مت فى دافي حشاه ادفنوني
فى مستكن الروح مهوب برا
بين النهود وقد روس القروني
عن الهبايب مستكن مذرا
ياليتهم بالحب ما ولعوني
كان ابعدوا عني بخير وشرا
والا انهم يوم انهم ولعوني
خلوني اقضي عازتي واتدرا
وياليتهم فى الدرب ما واجهوني
وياليتهم ما زادوا الحر حرا
وياليتهم عن حاجتي سايلوني
يوم اني اقعد عندهم واتحرا
وياليتهم من زادهم اطعموني
انا على زاد اليتيم اتجرا
الخد برق فى علو المزوني
تقول براق من الصيف سرا
وقفت عنده شايحات عيوني
كني غرير با للهاوي مضرا
وشكرا لتواصلكم
------------------------------------------------------------
زماننا غير زمانهم وحتى نتذكر الاولين
اخوكم ابن نجد