[^المقاطي^]

انا خلي عيوني منزل(ن) له *** يحل بمنزل(ن) محد(ن) يحله

وله فـ الصدر مقدار(ن) وقيمة *** وفي قلبي مداهيله وظلّه

حبيبي.. غيمة(ن) تبرق وترعد *** ليا هلت على قلبي تعلّه

حبيبي.. شمس في عالي سماها *** ليا بانت تنير الكون كلّه

حبيبي.. بدر في ليلة تمامه *** بنوره ينجلي نور الأهلّه

حبيبي.. روضة(ن) بالعطر فاحت *** بوسط انهار واشجار مظلّه

ابيع الروح لعيونه وافادي *** واقول العمر كله فدوة(ن) لّه

على وضح النقا حبي وحبه *** وفيت وهو بعد وافي لخلّه



فيصل بن خلف