قصيدة للشاعر فلحان بن طراد المقاطي العتيبي يرثي فيها شيخ شمل قبيلة عتيبة سلطان بن جهجاه بن حميد العتيبي رحمه الله ، أحد الرموز لهذه القبيلة العدنانية الشهيرة.
سر يا قلم واكتب من الشعر قايل
أبيات شعرٍ نرثي الشيخ سلطان
لو كان كثرنا الرثاء بالمثايل
لا تطفي الحسرة ولا تبرا الأحزان
وشيخنا نرثيه والدمع سايل
دمعٍ على الخدين شيبٍ وشبان
وشيخنا بالمجد اله باع طايل
وله مكانه عند من حظهم زان
إن عدد الراوي شيوخ القبايل
من ابرز الشيخان الاقصين والدان
شيخٍ تحدر من عرين الاصايل
ذوي حميد قادات زيزوم الأظعان
حماية التالي نهار الدبايل
لأحميت الفتنة وزاغن الأذهان
ون طاب بال أهل القلوب الغلايل
اللي على الطيب لهم حقد وأظغان
لشيخ في بيت العرين البدايل
لو كان فقد الشيخ للقوم نقصان
امدح خياراً من خيار الحمايل
ماني بكذابٍ ولاني بغلطان
انشد مطير وحرب وأولاد وايل
ونشد سبيع وسال شمر وقحطان
اللي لهم بالمجد صايل و جايل
ولهم بتاريخ العرب علم وتقان
لعل بالجنة تحط الرحايل
بجنة الفردوس لشيخ مسكان
الموت حق وعائش الكون زايل
والباقي الله خالق الأنس والجان
نرجوا الله ان يرحم الشيخ سلطان بن جهجاه العتيبي وجميع اموات المسلمين.
---------------------------------------------------------------------------
زماننا غير زمانهم وحتى نتذكر الاولين
اخوكم / ابن نجد