اشكر الاخ طير حوران
وحول هذي المعركه فالسالفه اللتي ذكرتها في
معركه الدفينه
يقول العبيد : ان سلطان بن ربيعان كان يقيم بعربانه فوق الدفينه المعروفه في ناحيه كشب بعاليه نجد وقد ركب سلطان مع مجموعه من عربه في مديد لجهة الحوطه والحريق. وترك اخاه مسلط وكان شابا عمره حوالي 25 سنه عند اهله . وعندما وصل القويعيه بلغه النذير بان محمدبن هادي قد قصد عتيبه غازيا وارسل سلطان نجابا الي اخيه هو عمر المليفت من الثبته ليخبر مسلط وينذره بالغزو واوصاه ان يحوز الابل الي جبل كشب وعندما استنذر مسلط جمع كبار عربه وطلب منهم عقل الابل وتنويخها واستعدادا للقتال وحمايه لها من الغزاه
ويقول العبيد كلاما وقد جرح فيه ام سلطان ومسلط واللذي لا يود ذكره
وهي ساره بنت عيران الهيظل
نوخ قبالهم ابن هادي وهي تطلع عليه ام سلطان المذكوره
.................................................. ........................ وقالت (انا طالبتك يابن هادي ان تعف عنا وتكف قحطان عن الدفينه والله ما علا الماء الا وراعين وحريم )
قال يام سلطان اما ابل عيالك فهي سالمه عن جيتك واما باقي عتيبه ما اقول عليها
قالت (عوق يعوق ابل عيالي ليا وخذت ابل عتيبه .. لكن ابيها خضراء مضفي عليها جلالها وابيها تضفي الحسنى ياولد هادي على من فوق الماء
قال(ابدا ابدا ولا اعطاها طلبها
واخذ له اربعة ايام وهو نازل قبالهم يراودهم وماقوي يصبحهم ولاقوي يصول عليهم لانهم متحزبين ومعلقين الابل ومستعدين للكون
ثم يذكر العبيد بان مسلط بن ربيعان في اليوم الرابع امر عشرين خيالا ان يقوموا بالتفاف على قوم ابن هادي ويغيروا على الجيش العازب خلف خياله قحطان وامرهم ان يهجموا عليه اذا نام الرعاه وان يوجهوه نحو الخرمه والقنصليه وقد نجح خياله عتيبه حسب مايقول الراوي في الالتفاف على ابل قحطان المشاركه في الغزو (وضفوها ) من مفلاها
وفي صباح اليوم التالي نادى مسلط خيالة عتيبه ان يبدؤوا الهجوم وصاح قائلا
(( عتيبه يارفاقه فكوا محارمكم تري الله نوى كسرتهم . جيشهم فارقهم ولابقي مع ابن هادي الا الرجليه والخياله
ويضيف العبيد : والعتبان ينصبون عليهم ويوم التفتوا قحطان الى جيشهم (ولا) ماعادهو معهم ..والله سبحانه ينزل عليهم الهزيمه وينكسرون كسيره ماجرت ..والله اذا هبت الهبوب على الحول ان جلجلة اظفارهم (انها) مثل سفير الزرع وقال مسلط : ياعتيبه من زبن الصمد فهو ممنوع تراه بوجهي >>>>>>>
وسمي صمد معتق<<<<<<<
وقال ابن عضيب اللي هو قاسي شيخ ال عاصم من قحطان
ماشاف هدة مسلطٍ ما احدٍ هاش .. يفدهم فد الفهد للسراحين
وجو الدفينه قاطنه كل هواش .. ومزرقٍ من فوق قب شياهين
يوم ان ابن هادي غزاهم باهل جاش ... واهل الحضوب وكل من كان بالرين
جاهم صباح وطمعته كل الادباش ... والله نصرهم والقدر فيه راضين
ثم انهزمنا مع صحاري ورشراش .. صكت علينا خيل قومٍ مثارين
وذكر السالفه بالنص
وسلااااامتكم