السلام عليكم ورحمة الله وبركاته
هذه القصيده للشاعر الكبير رشــــــــيد الــــــــــزلامــــــــــــــي وهي القصيده اللتي وصفها الادباء واهل العلم بأنها القصيده اللتي جأت بوصف الانسان ووصف حياته وصفا دقيقا ------- واليكم القصيده
قالو تعلمت قلت عناد ودراسه =** اعاند النفس والدنيا واصارعها
ودرست في مدرسه من شيبه راسه = **دنيا العنا اللي قصيفات مطامعها
تلميذها دايم تكتب بقرطاسه = **وتعطيه جمله دروس مايضيعها
والله عطانا نظر وشعور حساسه = **نأخذ علوم المعرفه من مراجعها
ونساير الوقت ونقيسه بمقياسه =** ونراجع النفس بالواقع ونقنعها
وترا حياه الفتى مهما قوى باسه = **محفوفه بالخطر والموت تابعها
من مبتدأ العمر حتى يلفظ انفاسه =** يمر في مرحله تكثر زوابعها
اول حياه الفتى مشوار وعساسه = **مسافه في عجاج العمر يقطعها
وثاني حياه الفتى تدريب ودراسه = **تصعب ضروف الحياه وينشغل معها
وثالث حياه الفتى يرجع على ساسه = **النقطه اللي بدأ منها يراجعها
يرجع لسن الهرم ويضيع الطاسه =** ويزحف مع الارض ويخبط شوارعها
والى تلاقت متونه وارتخا راسه = **ضاعت جميع العلوم اللي يجمعها