[ابن الهوازن]

--------------------------------------------------------------------------------



جرت هذه المحاورة يوم الخميس
الموافق 22/10/1426ه بمدينة
حفر الباطن بحضور كـلاُ مـن
الشاعـر/ عبـدالله الميـزانـي
والشاعـر نايـف العـزيـزي







عــبــدالله عـتــقــان
ياسلامي على شرقي شمال البـلاد***ديرةٍ حبهـا مـن حـب سكانهـا
العـوازم تشجـع نـادي الإتحـاد *** وفرحت يوم فـاز ولـدت أعيانهـا


حـبـيــب الـعــازمــي
قـوةٍ للصبـاح وقـوةٍ للهجــاد *** مرحبـا بحددانـا عنـد جيرانهـا
البلاء من سليم أتابـع الإقتصـاد***من بطاقة سوى وافقـر مرحانهـا


عــبــدالله عـتــقــان
لاتروح الذلول ولا يـروح الشـداد*** قبل نعـرف زيادتهـا ونقصانهـا
طالعوا في حبيب بالثيـاب الجـداد*** من نتائج سوى في صاحبي عانها


حـبـيــب الـعــازمــي
لاتوصي حريص ولا تنوش الزنـاد***حبـة البندقيـة قـدم نيشانـهـا
كيف شبيتها بالسمر وأمست رمـاد***ماجذبنـا لنـارك غيـر دخانـهـا


عــبــدالله عـتــقــان
البدايـه حـراره والنهايـه بـراد***ماتلـف الجنايـز غيـر بكفانهـا
نارنـا مانولعـا لشـوي الجـراد***وأنت تعرف سليم وفعـل نيرانهـا


حـبـيــب الـعــازمــي
أخر الوقت ياشعبـان علـم جمـاد***السنه تمشي الساعه على شانهـا
مايجيك الملام ولا عليـك إعتمـاد***حيةٍ في حصـاه تحـرك اللسانهـا


عــبــدالله عـتــقــان
بين حد البياض وبين حـد السـواد***علم أهل البيـوت تصـك بيبانهـا
يكفي إني سلايل طارق إبـن زيـاد*** دايم أقراء على نفسك وشيطانهـا


حـبـيــب الـعــازمــي
أكثر الناس لو نمزح عليه أستفـاد***مزحـة العقـل مايختـل ميزانهـا
يكفي إنك مقيـد فالقـرى بالقيـاد*** تلتوي بالحصـاه وترقـد أوزانهـا


عــبــدالله عـتــقــان
من زرع ياحبيب لين وقت الحصاد**جاك يقطـف كمثراهـا ورمانهـا
من هو اللي طردكم بالسيوف الحداد***مابقا إلا هنوف أتشيـل ورعانهـا


حـبـيــب الـعــازمــي
ماتعبنا مـن التفكيـر والإجتهـاد***يوم شان المعارك عنـد فرسانهـا
كان تشهد مطير إنه كلامك وكـاد*** لحيتي رحـت أسلمهـا لحسانهـا

مــــــنـــــــقـــــــول