جيت اصيغ الشعر واطوّع لحونـه=لين صغت القاف من شـيٍ حدانـي
شاعرٍتدرون وش حـرّك شجونـه؟=محترق وسط المحاديـب المحانـي
مسلـمٍ والله مايرضـى بالمهونـه=ماش مسلم عادته يرضى الهوانـي
وش لزوم الشعر ياللـي تكتبونـه=دام ترضـون المهونـه والتوانـي
الرسول المصطفى اللـي تتبعونـه=نزّهه ربـه عـل قاصـي ودانـي
كيف نرضـى بالكـلام يدنسونـه؟=لو الي فى الشان يااهل الشان شاني
الحقير ابن الحقير اعمـي عيونـه=ليـن احطـه عبـرةٍ لأول وثانـي
لايتقرّب شأن ماهـو مـن شئونـه=اقرب اله الخوف من بـر الامانـي
ومن يقول الفن بأعراضٍ مصونـه=ايخسى الملعون في نـص البيانـي
وينكم يا امـة محمـد تنصرونـه=نصر ماهو هرج من راس اللساني
دنمـرك الكفـر حتـم تقاطعونـه=عـوّدوا للسمـن والبـر العمانـي
لين تصبح دولـة الكفـر مغبونـه=قالهـا شاعـر وبالله استعـانـي